ԵՐԵՎԱՆ, 10 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: ՀՀ Մարդու իրաւունքների պաշտպան Արմէն Յարութիւնեյանը գտնում է, որ Հայաստանում մարդու իրաւունքների պաշտպանութեան ոլորտում առկայ են թերություններ, եւ դեռ որեւէ լուրջ առաջընթաց չի արձանագրուել: Այս մասին նա յայտնեց լրագրողներին դեկտեմբերի 10-ին` Մարդու իրաւունքների միջազգային օրուան նուիրուած «Մարդու իրաւունքների պաշտպանութիւնը ՀՀ-ում. Ձեռքբերումներ եւ մարտահրավերներ» խորագրով քննարկմանը: «Թէեւ իշխանութեան մօտեցումը փոխվել է, սակայն համակարգերի փոփոխութիւն, դրական իմաստով, տեղի չի ունեցել»,- ասաց Ա.Յարութիւնեյանը: Հայաստանում այս ոլորտի զարգացման համար, ըստ նրա, անհրաժեշտ է այնպէս անել, որ օրէնքների 70 տոկոսը կեանքում գործի: Մարդու իրաւունքների պաշտպանը նշեց նաեւ, որ քաղաքացին էլ պէտք է իր իրաւունքների համար պայքարող լինի: Ըստ Ա.Յարութիւնեանի, Հայաստանում մարդու իրաւունքները հիմնականում խախտւում են դատական, ոստիկանութեան, ՏԻՄ համակարգերում: Նա նշեց նաեւ, որ Մարդու իրաւունքների պաշտպանի գրասենեակը տարեկան ստանում է մօտ 6000 դիմում բողոք:

---