ՄԶԳ-ն կարեւորում է Հայաստանի դեղարտադրության ոլորտին
աջակցութիւնը
01-12-2009 15:46:00 | Հայաստան | Տնտեսութիւն
ԵՐԵՎԱՆ, 1 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ Միջազգային
զարգացման գործակալութեան ֆինանսավորմամբ իրականացyող «Մրցունակ
մասնաւոր հատուած Հայաստանում» (CAPS) ծրագրի նախաձեռնութեամբ
դեկտեմբերի 1-ին Երեւանում անցկացուեց Հայաստանի դեղագործութեան
մրցունակութեան երկրորդ համաժողովը: Այն կազմակերպուել էր ՀՀ
Առողջապահութեան եւ Էկոնոմիկայի նախարարութիւնների, «Դեղերի եւ
բժշկական տեխնոլոգիաների փորձագիտական կենտրոն»-ի, Հայաստանի դեղ
արտադրողների եւ ներմուծողների միութեան, Ազգային մրցունակութեան
հիմնադրամի եւ Զարգացման հայկական գործակալութեան
համագործակցութեամբ:
ինչպէս համաժողովի բացմանը նշեց ՀՀ Ազգային Ժողովի
Առողջապահութեան հարցերի մշտական յանձնաժողովի նախագահ Արա
Բաբլոյեանը, համաժողովի նպատակն է քննարկել ոլորտի ներկայ իրավիճակն
ու զարգացման հեռանկարները: Ըստ նրա, 1990-ականներից սկսած ոլորտի
զարգացման ուղղութեամբ բաւականին լուրջ ճանապարհ են անցել, եւ մեծ
դժուարութիւններով հնարաւոր է եղել մինիմալ չափով շուկան ապահովել
տեղական արտադրութեան դեղամիջոցներով: Սակայն, Ա.Բաբլոյեանի
խօսքերով, պետութիւնն այսօր իր առջեւ պէտք է խնդիր դնի
բնակչութեանն ապահովել անվտանգ, որակեալ եւ մատչելի դեղերով,
ինչպէս նաեւ ստեղծի պայմաններ, որպէսզի տեղական արտադրութեան
դեղերը լինեն մրցունակ:
ԱՄՆ ՄԶԳ-ի տնտեսական աճի գրասենեակի տնօրէն Դեյվիդ Հալը նշեց,
որ Հայաստանի դեղագործութեան ոլորտը 2004-2007թթ.-ին ունեցել է
51%-ի աճ: ՄԶԳ-ն կարեւորում է Հայաստանի դեղարտադրության ոլորտին
աջակցութիւնը, քանի որ տեղում արտադրուող դեղերը էականօրէն
նպաստում են, որպէսզի հիմնական դեղամիջոցները երկրի բնակչութեան
համար լինեն մատչելի եւ հասանելի: Բացի դրանից, ըստ Դ.Հալի, CAPS-ի
շրջանակներում աջակցութիւն է ցուցաբերվում ոլորտը միջազգային
ստանդարտներին համապատասխանեցնելու, միջազգային ստանդարտներին
համահունչ օրենսդրական դաշտի ձեւաւորման գործում: «Հայկական դեղերի
համապատասխանութիւնը միջազգային ստանդարտներին կարեւոր խնդիր է,
քանի որ դրանով կնպաստենք ոլորտի մրցունակութեանը, կընդլայնենք
արտահանման աշխարհագրութիւնն ու ծաւալները»,- ընդգծեց Դ.Հալը: