Մեկնարկեց «ֆրութֆուլարմենիա-2009» միջազգային
նորարարութիւնների մրցանակաբաշխությունը
23-11-2009 18:22:00 | Հայաստան | Տնտեսութիւն
ԵՐԵՎԱՆ, 23 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Երեւանում նոյեմբերի
23-ին մեկնարկեց «ֆրութֆուլարմենիատաղանդ-2009» միջազգային
նորարարութիւնների մրցանակաբաշխությունը: Հինգերորդ տարին
կազմակերպւող «Ապագայ կերտող երիտասարդների գիտելիքներ» խորագրով
մրցանակաբաշխութեան հիմնական կազմակերպիչները յայտնի արգենտինահայ
գործարար Էդուարդո Էռնեկյանն ու նրա տիկին Անա Քրիստինա Շիրինյանն
են:
Մրցանակաբաշխութեան արարողութեանը ներկայ էին ՀՀ վարչապետ
Տիգրան Սարգսեանը, կառավարութեան անդամներ, պետական եւ միջազգային
կառոյցների ներկայացուցիչներ:
Տ.Սարգսեանը, կարեւորելով նման միջոցառումների անցկացումը,
նշեց, որ դրանք նպաստում են տաղանդաւոր երիտասարդների նորարարական,
նորովի մտածողութեան ու թարմ գաղափարների բացայայտմանը: «Չափազանց
կարեորում ենք այն նորամուծությունները եւ նորարարական խնդիրները,
որոնք մեր տաղանդաշատ երիտասարդներն առաջ կքաշեն: Մենք կարիք
ունենք թարմ գաղափարների»,- նշեց վարչապետը:
«ֆրութֆուլարմենիատաղանդ-2009»-ի շրջանակներում անցկացուեցին
քննարկումներ ֆինանսական ու գիւղատնտեսական հարցերի շուրջ:
Ներկայացուեցին նաեւ մրցոյթի բոլոր երիտասարդ մասնակիցները, որոնց
յանձնուեցին մասնակցութեան դիպլոմներ: Առանձնացուեցին առաւել
յաջողուած աշխատանքները 4 թեմաներով` «Գիւղատնտեսութիւն եւ
գյուղարդյունաբերական արտադրութիւն», «Առեւտուր եւ մարկետինգ»,
«Ֆինանսներ», «Ենթակառուցուածքներ»: Մրցոյթի արդիւնքները
կհրապարակուեն նոյեմբերի 24-ին: Նշուած ամէն թեմայով ներկայացուած
աշխատանքների համար նախատեսուած է 5 մրցանակ: Նախատեսուած է նաեւ
«The Fruitfull Armenia Goold Aoard» յատուկ մրցանակ: