Հայաստանը շարունակելու է ջանքերը ՆԱՏՕ-ի հետ գործընկերութեան
ամրապնդման ուղղութեամբ
06-11-2009 19:24:00 | Հայաստան | Քաղաքական
ԵՐԵՎԱՆ, 6 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Ընդունելով նոյեմբերի
6-ին Կովկասում եւ Կենտրոնական Ասիայում ՆԱՏՕ-ի գլխաւոր քարտուղարի
յատուկ ներկայացուցիչ, դեսպան Ռոբերտ Սիմոնսին, Հայաստանի նախագահ
Սերժ Սարգսեանը յայտարարել է, որ Հայաստանը շարունակելու է ջանքերը
ՆԱՏՕ-ի հետ գործընկերութեան ամրապնդման ուղղութեամբ: Նա ՆԱՏՕ-ի հետ
փոխգործակցությունը ոչ միայն ռազմական, այլեւ անվտանգութեան,
արտակարգ իրավիճակների ոլորտներում համարել է օգտակար, ուսանելի եւ
անհրաժեշտ:
Ռ.Սիմոնսի գնահատմամբ, ՆԱՏՕ-Հայաստան յարաբերութիւնները շատ
լաւ հարթութեան վրայ են: Նա հոյս է յայտնել, որ Անհատական
գործընկերութեան գործողութիւնների 2009-2010թթ.-ի ծրագիրը
նույնպես հաջողութեամբ կիրականացուի: ՆԱՏՕ-ի բարձրաստիճան
ներկայացուցիչը կարեւորել է Հայաստանի ներդրումը միջազգային
խաղաղապահ գործունէութեան մէջ: Տարածաշրջանային խնդիրների
քննարկման համատեքստում ՆԱՏՕ-ի գլխաւոր քարտուղարի յատուկ
ներկայացուցիչը բարձր է գնահատել Հայաստանի եւ Թուրքիայի միջեւ
յարաբերութիւնների կարգաւորման գործընթացում արձանագրուած
առաջընթացը եւ նշել, որ ՆԱՏՕ-ն կողմնակից է յարաբերութիւնների
հաստատմանն առանց նախապայմանների: Նա հոյս է յայտնել, որ երկու
երկրների խորհրդարանները հնարավորինս արագ կվավերացնեն ստորագրուած
արձանագրութիւնները:
Ըստ ՀՀ նախագահի Մամլոյ գրասենեակի հաղորդագրութեան,
զրուցակիցները մտքեր են փոխանակել նաեւ Հայաստան-ՆԱՏՕ օրակարգային
հարցերի, տարածաշրջանային խնդիրների վերաբերեալ: