Էդվարդ Նալբանդեանը Նյու-Յորքում մասնակցել է ՀԱՊԿ-ի անդամ
երկրների արտգործնախարարների հանդիպմանը
28-09-2009 17:30:00 | ԱՄՆ | Քաղաքական
ՆՅՈՒ ԵՈՐՔ, 28 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Աշխատանքային այցով
Նյու-Յորքում գտնուող Հայաստանի արտգործնախարար Էդվարդ Նալբանդեանը
սեպտեմբերի 26-ին մասնակցել է Հաւաքական անվտանգութեան պայմանագրի
կազմակերպութեան անդամ երկրների արտաքին քաղաքական
գերատեսչութիւնների ղեկավարների հանդիպմանը:
Ըստ ՀՀ ԱԳՆ Մամուլի եւ տեղեկատուութեան վարչութեան
հաղորդագրութեան, հանդիպմանը քննարկուել են կազմակերպութեան
օրակարգային մի շարք հարցեր. մասնաւորապէս` ՄԱԿ-ում եւ այլ
միջազգային կառոյցներում արտաքին քաղաքական գործունէութեան
համադրման, եւրոպական եւ միջազգային անվտանգութեան, ինչպէս նաեւ
ՄԱԿ-ի Գլխաւոր ասամբլէայի օրակարգային խնդիրներ: