Հայ-թուրքական սահմանի բացումը կուղեկցուի ներդրումների
իրական աճով,- վստահ է ՀՀ էոնոմիկայի նախարարը
28-09-2009 17:18:00 | Հայաստան | Տնտեսութիւն
ԵՐԵՎԱՆ, 28 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Վերլուծութիւնները
ցոյց են տալիս, որ Թուրքիայի հետ յարաբերութիւնների կարգաւորման
դէպքում Հայաստանի տնտեսութեան մէջ օտարերկրեայ ուղղակի
ներդրումները 50 եւ աւելի տոկոսով կարող են աճել: Այս մասին
«Հայ-թուրքական յարաբերութիւնների կարգաւորման աշխարհաքաղաքական
եւ տնտեսական հետեւանքները եւ այդ գործընթացում Եւրամիութեան դերը»
թեմայով Հանրային հեռուստաընկերութեան «Եւրոպական բանաձեւ»
հաղորդաշարում ծաւալուած քննարկմանը նշեց ՀՀ էոնոմիկայի նախարար
Ներսէս Երիցյանը: Նա վստահութիւն յայտնեց, որ տնտեսական խթանները
կստիպեն արագացնել այդ գործընթացը:
Ըստ նրա, Վրաստանի, Հայաստանի եւ Թուրքիայի միջեւ
յարաբերութիւնների կարգաւորումը աւելի գրաւիչ կդարձնի
տարածաշրջանը: Սահմանի բացումը թոյլ կտայ Հայաստանին մտածել աւելի
մեծ տարածաշրջանային ծրագրերին միանալու մասին: Իսկ Եվրոմիությունն
ու Եվրոհանձնաժողովը պատրաստ են օժանդակել նման լուրջ
տարածաշրջանային ծրագրերի իրականացմանը: Ն.Երիցյանը նշեց նաեւ, որ
սահմանի բացմամբ Հայաստանը Եւրոմիութեան հետ անմիջական սահման է
ունենալու, քանի որ Թուրքիան Եւրոմիութեան Մաքսային միութեան անդամ
է եւ Եւրոմիութեան հետ կնքել է Ազատ առեւտրի համաձայնագիր:
Հայաստանը նույնպես բանակցում է Եւրոմիութեան հետ ազատ առեւտրի
համաձայնագիր կնքելու շուրջ: Եւրոմիութեան շուկաներից օգտուելու
համար կազմակերպութիւնը դնում է պահանջ` երկրում կատարել
ամբողջական բարեփոխումներ: Ըստ Ն.Երիցյանի, սահմանի բացումը
կարագացնի այդ բարեփոխումների իրականացման գործընթացը:
Առարկելով նախարարին, ՀՅԴ Բիւրոյի անդամ Դավիթ Լոքյանը նշեց,
որ Եվրոմիությունը առաջնորդւում է «հազարաւոր ստանդարտներով,
հազարաւոր կարգերով», եւ Հայաստանը լուրջ խնդիրներ է ունենալու,
եթէ չի նախապատրաստւում դրան: «Մենք բացարձակապէս ամենափոքր
ծաւալներ կարող ենք Թուրքիա առաքել, քանի որ այնպիսի ընթացակարգեր
են, որոնք օրէնքով թոյլ չեն տալիս, որպէսզի մենք ապրանք
արտահանենք այդ երկիր»,- ասաց նաղ Նրա խօսքերով, Թուրքիան դեռեւս
1960-ականների վերջից արտահանմանը նպաստելու յստակ
քաղաքականութիւն է վարում եւ այսօր բազմապիսի գործիքներ ունի
ներմուծումը կասեցնելու համար: «Մենք արդէն այսօր` հայ-թուրքական
փակ սահմանի եւ Առեւտրի համաշխարհային կազմակերպութեանն
անդամակցելու պարագայում, դիսբալանս ունենք Թուրքիայի հետ: Իրենց
միջին մաքսատուրքերը 48,5 տոկոսի չափով են, մեր միջին
մաքսատուրքերը կազմում են 14 տոկոս: Թուրքիայում ապրանքների
ներմուծման պարագայում ապրանքատեսակների 50 տոկոսի վրայ ԱՀԿ-ով չի
սահմանուած ոչ մի չափ մաքսատուրք, եւ կառավարութիւնը կարող է տուեալ
պահին ներմուծումը դադարեցնելու համար համապատասխան մաքսատուրք
կիրառել, որը կարող է հասնել մինչեւ 228 տոկոսի»,- ասաց Դ.Լոքյանը:
Ներսէս Երիցյանն իր հերթին առարկեց այդ մտավախությունների
դէմ, նշելով, որ Առեւտրի համաշխարհային կազմակերպութեան բոլոր
անդամ երկրները հաւասար պայմաններից են օգտւում եւ Թուրքիան չի
կարող աւելի արտօնեալ վիճակում լինել: «Թուերը կարող է տպավորիչ
էին, սակայն դրանք իրականութեանը չեն համապատասխանում, իսկ պետական
միջամտութիւն եւ օժանդակություն Հայաստանն ինքն էլ կարող է
անել»,- ասաց նախարարը: