Հայաստանի նախագահն ընդունել է հանրաճանաչ ռուս դերասան
Վալենտին Գաֆտին
28-09-2009 17:00:00 | Հայաստան | Քաղաքական
ԵՐԵՎԱՆ, 28 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի նախագահ Սերժ
Սարգսեանը սեպտեմբերի 28-ին ընդունել է հանրաճանաչ ռուս դերասան
Վալենտին Գաֆտին: Ընդգծելով հայ եւ ռուս ժողովուրդների հոգեւոր
ամուր կապը, նախագահը նշել է, որ ռուսական մշակոյթն ու ռուսաց
լեզուն Հայաստանում մեծ յարգանք են վայելում:
Ըստ ՀՀ նախագահի Մամլոյ գրասենեակի հաղորդագրութեան,
Ս.Սարգսեանը կարեւորել է եղած մշակոյթային կապերի ոչ միայն
պահպանումն, այլեւ ընդլայնումը, որպէսզի երիտասարդ սերունդը եւս
դրանց հաղորդակից լինելու հնարաւորութիւն ունենայ: Ս.Սարգսեանը
մեծանուն դերասանի այցն այդ առումով մեծ ներդրում է համարել:
Վ.Գաֆտն ասել է, որ առաջին անգամ է Հայաստանում, խիստ
տպավորված է եւ արդէն իսկ մտածում է յաջորդ այցերի մասին: Նա
պատմել է համատեղ մշակոյթային գործակցութեան նոր մտայղացումների
մասին, նշել, որ քննարկւում է Հայաստանում «Սովրեմեննիկ» թատրոնի
հիւրախաղերի հնարաւորութիւնը: