Սեպտեմբերի 22-ին Երեւանում տեղի է ունեցել ՀՀ-ԵՄ
համագործակցութեան կոմիտէի տասներորդ նիստը
22-09-2009 22:00:00 | Հայաստան | Տնտեսութիւն
ԵՐԵՎԱՆ, 22 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 22-ին
Երեւանում տեղի ունեցած ՀՀ-ԵՄ համագործակցութեան կոմիտէի տասներորդ
նիստում քննարկուել են Եւրոպական հարեւանութեան քաղաքականութեան
ՀՀ-ԵՄ գործողութիւնների ծրագրի իրականացման ընթացքը, Արեւելյան
գործընկերութեան շրջանակներում Հայաստանի եւ Եվրոմիութհան
յարաբերութիւնների խորացման հետ կապուած հարցեր, ներառեալ խորը եւ
համապարփակ ազատ առեւտրի գօտու ստեղծման հեռանկարները:
Օրակարգում ներառուած էին նաեւ օրէնքի գերակայութեան,
ժողովրդավարութեան եւ կառավարման, մարդու իրաւունքների եւ հիմնարար
ազատութիւնների հետ կապուած հարցեր, Լեռնային Ղարաբաղի հիմնախնդրի
կարգաւորումը, Հայաստան-Թուրքիա յարաբերութիւնները, ԵՄ
աջակցութիւնը եւ համագործակցութիւնը, այդ թւում նաեւ
տարածաշրջանային համագործակցութիւնը, ԵՄ խորհրդատուական խմբի հետ
գործակցութեան հետ կապուած հարցեր:
Հայաստանի ու Եւրոպական Համայնքների եւ նրանց անդամ
պետութիւնների միջեւ «Գործընկերութեան եւ համագործակցութեան մասին
համաձայնագիր»-ը (ԳՀՀ) կնքուել է 1996թ.-ի ապրիլի 22-ին: Այն ուժի
մէջ է մտել 1999թ. յուլիսի 1-ից: Համաձայնագրի 83-րդ յօդուածի
համաձայն ստեղծուել է ՀՀ-ԵՄ Համագործակցութհան կոմիտէն, որի նիստերը
տեղի են ունենում տարին մէկ անգամ` ռոտացիոն կարգով, Բրձուսելում
կամ Երեւանում: