Հնարաւոր է բրազիլական կազմակերպութիւնները ներդրումներ կատարեն «Հիւսիս-հարաւ» աւտոմայրուղու կառուցման համար
05-08-2009 23:00:00 | Հայաստան | Տնտեսութիւն
ԵՐԵՒԱՆ, 5 ՕԳՈՍՏՈՍԻ, ՆՈՅԵԱՆ ՏԱՊԱՆ: Ընդունելով օգոստոսի 5-ին
Հայաստանում Բրազիլիայի դեսպան Մարսելայ Նիկոդեմոսին, ՀՀ տրանսպորտի
եւ կապի նախարար Գուրգէն Սարգսեանը մանրամասն ներկայացրել է
ոլորտում իրականացուող ծրագրերը: Նա, մասաւորապէս, անդրադարձել է
«Հիւսիս-հարաւ» երկաթուղու եւ «Հիւսիս-հարաւ» աւտոմայրուղու
կառուցման ծրագրերին: Նախարարը յայտնել է, որ հոկտեմբերին
աւտոմայրուղու կառուցման հետ կապուած Երեւանում կ'անցկացուի դոնոր
կազմակերպութիւնների հաւաք:
Ըստ ՀՀ տրանսպորտի եւ կապի նախարարի մամուլի քարտուղար
Սուսաննա Տօնոյեանի, իր հերթին Մ.Նիկոդեմոսը նշել է, որ Բրազիլիան
ճանապարհների կառուցման գործում մեծ փորձ ունի: Դեսպանը չբացառեց,
որ «Հիւսիս-հարաւ» աւտոմայրուղու կառուցման համար ներդրումներ
կը կատարեն նաեւ բրազիլական կազմակերպութիւնները: