Ուզբկեստանը Ղրղզստանի սահմանին կառուցում է արգելափակիչ
շինութիւններ
10-06-2009 17:25:00 | | Միջազգային
ԲԻՇՔԷԿ, 10 ՅՈՒՆԻՍԻ, ՆՈՅԵԱՆ ՏԱՊԱՆ: Ուզբեկստանը սկսել է
Ղրղզստանի հետ սահմանի որոշ տեղամասերում արգելափակիչ
շինութիւններ կառուցել: Այս մասին, ինչպէս հաղորդում է
ԻՏԱՌ-ՏԱՍՍ-ը, յայտնել են ղրղզական սահմանապահ ծառայութիւնում, որի
աշխատակիցների տեղեկատուութեան համաձայն, ուզբեկական կողմը սկսել է
խրամատներ փորել առանց ղրղզական ներկայացուցիչներին տեղեակ
պահելու:
Ղրղզստանում անվտանգութեան փորձագէտների մեծ մասը
ուզբեկա-ղրղզական սահմանում Ուզբեկստանի կողմից արգելափակիչ
շինութիւնների կառուցումը կապում է մայիսի 25-ից 26-ի գիշերը
Խանաբադ եւ Անդիժան քաղաքներում տեղ գտած իրադարձութիւնների հետ:
Ըստ Ուզբեկստանի գլխաւոր դատախազութեան վարկածի, Խանաբադում 2-3
հոգանոց յանցախումբը զինուած յարձակում է գործել միլիցիայի
բլոկ-պոստի վրայ, որի ժամանակ զոհուել է պահակակէտի մի աշխատակից եւ
վիրաւորել հարձակւողներից մէկը: Իսկ Անդիժանում մահապարտի
իրականացրած յարձակման հետեւանքով հետեւանքով զոհուել է մէկ
միլիցիոներ եւ մի քանի քաղաքացիական անձինք վիրաւորուել են:
Տաշքենդում պնդում են, որ զինուած բանդիտները ուզբեկական տարածք են
անցել հարեւան Ղրղզստանից: Բիշքէկում այդ վարկածը կտրականապէս
ժխտում են: