Պակիստանում ահաբեկութեան հետեւանքով զոհուել է 11 մարդ, այդ
թւում` ՄԱԿ-ի աշխատակից
10-06-2009 17:23:00 | | Միջազգային
ԻՍԼԱՄԱԲԱԴ, 10 ՅՈՒՆԻՍԻ, ՆՈՅԵԱՆ ՏԱՊԱՆ: Պակիստանի Փեշավար
քաղաքում պայթիւնից զոհվածների թւում են երկու օտարերկրացիներ,
որոնցից մէկը` ՄԱԿ-ի աշխատակից: Այս մասին յայտնել է
հիւսիս-արեւմտյան սահմանամերձ Միան նահանգի տեղեկատուութեան
նախարար Իֆտիկար Հուսսայինը: Նա զոհվածների ազգութիւնը չի
յայտնել:
Ինչպէս նշել են պակիստանյան ոստիկանութեան ներկայացուցիչները,
պայթյունը տեղի է ունեցել քաղաքի խոշորագոյն Pearl Continental
Hotel հինգ աստղանի հիւրանոցի հարեւանութեամբ: Վերջին տուեալներով,
ահաբեկութեան հետեւանքով զոհուել է 11, վիրաւորուել 52 մարդ:
Ոստիկանութիւնը կարծում է, որ պայթյունը կազմակերպուել է
Պակիստանի հիւսիս-արեւմուտքում գործող պրոթալիբյան ծայրայեղական
խմբաւորումների կողմից: