ԲԵՌԼԻՆ, 8 ՅՈՒՆԻՍԻ, ՆՈՅԵԱՆ ՏԱՊԱՆ: «Ալ Ղաիդա» միջազգային ահաբեկչական կազմակերպութիւնը պատրաստւում է խոշոր ահաբեկչութիւններ իրականացնել Գերմանիայում խորհրդարանական ընտրութիւնների ժամանակ, որ նախատեսուած են սեպտեմբերի 27-ին: Ահաբեկիչների թիրախ կարող են դառնալ Աֆղանստանում գտնուող բունդեսվերի զինվորները, հաղորդում է գերմանական Der Spiegel շաբաթաթերթը` վկայակոչելով աղբիւրներ Գերմանիայի անվտանգութեան ծառայութիւններից: Գերմանիայի ներքին գործերի նախարարութիւնում, Քրէական ոստիկանութեան դաշնապետական վարչութիւնում եւ Սահմանադրութեան պահպանման դաշնապետական գերատեսչութիւնում հրաժարուել են մեկնաբանել նախապատրաստւող ահաբեկությունների վերաբերեալ ի յայտ եկած տեղեկատուութիւնը:

---