Մեքսիկայում հրդեհի հետեւանքով զոհուած երեխաների թիւը հասել է
38-ի
08-06-2009 18:06:00 | | Միջազգային
ՄԵԽԻԿՈ, 8 ՅՈՒՆԻՍԻ, ՆՈՅԵԱՆ ՏԱՊԱՆ: Ճշտուած տուեալներով,
մեքսիկական Սոնորա նահանգի Էրմոսիլիո քաղաքի պետական մանկամսուրում
հրդեհի հետեւանքով զոհուած երեխաների թիւը հասել է 38-ի, եւս 15-ը
գտնւում են օրհասական վիճակում, յայտնել է նահանգի առողջապահութեան
նախարար Ռայմունդո Լոպեսը:
Նախնական տուեալներով, հրդեհը սկսուել է ուրբաթ մանկամսուրին
կից շինմոնտաժային արհեստանոցում կարճ միացման պատճառով:
Արհեստանոցում գտնուող աւտոմեքենայի պայթիւնից յետոյ կրակը արագօրէն
անցել է հարեւան շինություններին:
«Երեսունութ երեխաներ մահացել են, եւս 23-ը գտնւում են
հիւանդանոցներում, նրանցից 15-ը շատ լուրջ վիճակում են, որոնց
կեանքը սպառնալիքի տակ է»,- ասել է Լոպեսը: