Իրաքում ծայրայեղական խմբաւորումների ղեկավարները դատապարտուել
են մահապատժի
26-05-2009 18:27:00 | | Միջազգային
ԲԱՂԴԱԴ, 26 ՄԱՅԻՍԻ, ՆՈՅԵԱՆ ՏԱՊԱՆ: Իրաքեան դատարանը մահուան է
դատապարտել ծայրայեղական շիա խմբաւորումների ութ ղեկավարների:
Ինչպէս հաղորդում է ԻՏԱՌ-ՏԱՍՍ-ը, երկրի հարաւային Դիվանիա
նահանգի քրէական դատարանը նրանց մեղադրել է ահաբեկչական
գործունէութեան կազմակերպման մէջ:
Մասնաւորապէս, ծայրահեղականների խմբին մեղսագրւում են
մարդկանց առեւանգումներ եւ սպանութիւններ, ինքնաշէն պայթուցիկ
սարքերի պատրաստում եւ ահաբեկությունների կազմակերպում, ինչպէս
նաեւ Դիվանիա նահանգի հրթիռակոծում:
Ինչպէս յայտարարում են ամերիկեան հրամանատարութեան եւ իրաքեան
իշխանութիւնների ներկայացուցիչները, նման «մասնագիտացած խմբերը»,
կազմուած շիա-մահմեդական միլիցիայի արմատականօրէն տրամադրուած
ջոկատների ակտիւիստներից, սպառազինւում եւ ֆինանսաւորւում են
Իրանից: Այդպիսի խմբերից է համարւում «Մահդիի բանակը»` ԻԻՀ-ում
ապրող իմամ Մուքթադա աս-Սադրի շիական միլիցիան: