Կիեւում զոհուել է յայտնի հեռուստալրագրող Իգոր Պելիխը
08-05-2009 17:02:00 | | Միջազգային
ԿԻԵՎ, 8 ՄԱՅԻՍԻ, ՆՈՅԵԱՆ ՏԱՊԱՆ: Աւտոաղէտի հետեւանքով, որ
առաւօտեան տեղի է ունեցել Կիեւի Յաղթանակի պողոտայում, զոհուել է
յայտնի հեռուստալրագրող Իգոր Պելիխը, հաղորդում է ՈՒՆԻԱՆ-ը:
Նախնական տուեալների համաձայն, «Հոնդա» աւտոմեքենայի վարորդը
բախուել է «Վոլկսվագեն» աւտոմեքենային, որը վարել է Իգոր Պելիխը:
Դրա հետեւանքով «Վոլկսվագենը» դուրս է եկել սիզամարգերի մէջ,
տապալել երկու ծառ եւ շրջվել:
Ճանապարհատրանսպորտային պատահարի հետեւանքով զոհուել են
«Վոլսկվագեն» աւտոմեքենայի երկու ուղեւորները, երրորդը գտնւում է
ծանր վիճակում:
«Հոնդա» մեքենայի վարորդը, որն աննշան վնասուածքներ է ստացել,
դէպքի վայրից ճողոպրել է: