Porsche-ը եւ Volkswagen-ը յայտարարել են միաձուլման մասին
07-05-2009 17:41:00 | | Միջազգային
ԲԵՌԼԻՆ, 7 ՄԱՅԻՍԻ, ՆՈՅԵԱՆ ՏԱՊԱՆ: Porsche Automobil Holding
SE եւ Volkswagen AG աւտոմոբիլային ընկերութիւնները
համաձայնութեան են եկել ստեղծելու «ինտեգրացված աւտոմոբիլային
կոնցեռն», հաղորդում է «Նովոստի» գործակալութիւնը:
«Երկու ձեռնարկութիւնների վարչութիւնները վերջին շաբաթներին
ինտենսիվ բանակցութիւններ էին վարում իրենց համագործակցութիւնը
խորացնելու վերաբերեալ: Porsche Automobil Holding SE-ի ընտանեկան
բաժնետէրերը չորեքշաբթի Շտուտգարտում քննարկել են այդ
քննարկումների ընթացքում մշակուած առաջարկները` հաշուի առնելով
կապիտալի փոփոխման կորպորատիվ միջոցառումները եւ կողմ են
արտայայտուել ինտեգրացված աւտոմոբիլային կոնցեռնի ստեղծմանը»,-
ասւում է Porsche-ի մամլոյ տեղեկագրում:
Միասնական ղեկավարմամբ կոնցեռնի վերջնական կառոյցում իրենց
գոյութիւնը կշարունակեն բոլոր 10 ներկայումս թողարկվող
մակնիշները, ասւում է մամլոյ տեղեկագրում, ընդ որում, դրանցից
իւրաքանչիւրը կմնայ ինքնակա, այդ թւում` Porsche-ն:
Մարզական մեքենաների Porsche կոնցեռնը Volkswagen-ի
բաժնետոմսեր ձեռք է բերել 2005 թուականին եւ հետզհետէ իր բաժնեմասը
սիրուած գերմանական ավտոարտադրական ձեռնարկութիւնում հասցրել
մինչեւ 51 տոկոսի: