Իրանի Ղարա Քիլիսա եկեղեցում կցուցադրուի հայկական արուեստը
25-06-2009 17:00:00 | | Մշակոյթ
ԹԵՀՐԱՆ, 25 ՅՈՒՆԻՍԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Իրանի
Արեւմտյան-Ադրբեջան գաւառի Ղարա Քիլիսա եկեղեցում յուլիսի 22-ին
կբացուի ցուցահանդէս, որտեղ ներկայացուած կլինեն երկրի հայ
արուեստագէտների գեղարուեստական աշխատանքները` եկեղեցական թեմաներով:
Այն կգործի մինչեւ յուլիսի 26-ը, հաղորդում են իրանական
լրատվամիջոցները:
Արեւմտյան-Ադրբեջան գաւառի մշակոյթային ժառանգութեան, արհեստի
եւ զբօսաշրջութեան գրասենեակի կազմակերպած միջոցառման ժամանակ
կհիշատակեն Յիսուսի առաքեալներից մէկի` սուրբ Թադեոսի
նահատակությունը, ով մ.թ. 68 թուականին, Հայաստանից վերադառնալիս,
կառուցել էր Մակու քաղաքից հարաւ գտվող Ղարա Քիլիսա եկեղեցին, որը
համարւում է Իրանի տարածքում կառուցոուած հնագոյն քրիստոնեական
եկեղեցին եւ մեծ նշանակութիւն ունի Իրանի հայ համայնքի համար:
Ամէն տարի բազմաթիւ հայեր, ասորիներ եւ կաթոլիկներ Իրանից եւ այլ
երկրներից այցելում են եկեղեցի` մասնակցելու սուրբ Թադեոսի
նահատակությունը հիշատակող միջոցառմանը: Եկեղեցին ներառվել է
ԵՈՒՆԵՍԿՕ-ի Համաշխարհային ժառանգութեան պահպանութեան ցուցակում: