ԵՐԵՎԱՆ, 19 ՄԱՐՏԻ, ՆՈՅԵԱՆ ՏԱՊԱՆ: Հայաստանի Վարչական դատարանը` դատաւոր Արծրուն Միրզոեանի նախագահութեամբ, մարտի 19-ին անվաւեր է ճանաչել «Բջնի» հանքային ջրերի գործարանի հարկադիր վաճառքի աճուրդը: Այս մասին «ՆՈՅԵԱՆ ՏԱՊԱՆ»-ի թղթակցին յայտնեց ՀՀ Վճռաբեկ դատարանի մամուլի քարտուղար Ալինա Ենգոյանը: Յիշեցնենք, որ «Բջնի» հանքային ջրերի գործարան» ընկերութեան գոյքի եւ գոյքային իրաւունքների օտարման կրկնակի հարկադիր էլեկտրոնային աճուրդը աւարտուել էր փետրուարի 16-ին: Աճուրդի 10 օրուայ ընթացքում կատարուել էր գնային առաջարկ, ըստ որի լոտի վաճառքի գինը կազմել էր 4 մլրդ 441,5 մլն դրամ: Աճուրդով գործարանը ձեռք էր բերել ԱԺ պատգամաւոր, գործարար Ռուբէն Հայրապետեանը:

---