Երեւանում բացայայտուել է արտարժոյթի անօրինական
առքուվաճառքով զբաղուող խումբ, որի հետ համագործակցել են որոշ
բանկերի աշխատակիցներ
16-03-2009 20:00:00 | Հայաստան | Տնտեսութիւն
ԵՐԵՎԱՆ, 16 ՄԱՐՏԻ, ՆՈՅԵԱՆ ՏԱՊԱՆ: ՀՀ Ազգային անվտանգութեան
ծառայութեան մամուլի կենտրոնի (ԱԱԾ) տարածած հաղորդագրութեան
համաձայն, բացայայտուել եւ կասեցուել է կազմակերպուած յանցաւոր խմբի
գործունէութիւնը, որը տեւական ժամանակ Երեւանում զբաղուել է
առանձնապէս խոշոր չափերի հասնող արտարժոյթի անօրինական
առուվաճառքով: Ըստ նոյն աղբիւրի, խմբի կազմում ներգրաւուած են
եղել Երեւանի բնակիչներ Վ.Միքայելեանը, Կ.Զաքարյանը եւ
Է.Գալստեանը: Խբի անդամներն արտարժոյթի փոխանակումներն
իրականացրել են միայն նախնական պայմանավորվածությունների համաձայն:
Վերջիններիս ծառայութիւններից օգտուել են հիմնականում Երեւանում եւ
ՀՀ մարզերում գործող տարադրամի փոխանակման կէտերը, ինչպէս նաեւ
առանձին քաղաքացիներ: Նրանց ակտիւ աջակցութիւն են ցուցաբերել ՀՀ
որոշ առեւտրային բանկերի աշխատակիցներ` շահեկան պայմաններով
առանձնապէս խոշոր չափի տարադրամ փոխանակելով, ինչպէս նաեւ
արտարժոյթի փոխարժէքի վերաբերեալ ժամանակին տեղեկատուութիւն
տրամադրելով: Փաստի առթիւ ՀՀ ԱԱԾ Քննչական վարչութեան կողմից
յարուցուել է քրեկան գործ, կատարւում է նախաքննություն:
ԴԱՍ. ՀԱՅԵՐԵՆ 
Հայերեն
Русский
English
French