«Ջոն Դիր»-ի գիւղատնտեսական սարքաւորումները հասանելի
կդառնան հայ ֆերմերների համար
06-03-2009 23:00:00 | Հայաստան | Տնտեսութիւն
ԵՐԵՎԱՆ, 6 ՄԱՐՏԻ, ՆՈՅԵԱՆ ՏԱՊԱՆ: CARD Ագրոսերուիս ՓԲԸ-ի եւ
«Ջոն Դիր Ինթերնեշընլ»-ի միջեւ մարտի 6-ին ստորագրուած մատակարարման
պայմանագրի համաձայն Հայաստանում «Ջոն Դիր»-ի գյուղսարքավորումների
վաճառքի ու սպասարկման հարցերով կզբաղուի CARD Ագրոսերվիսը: Ըստ
ՀՀ-ում ԱՄՆ-ի դեսպանատեան հաղորդագրութեան, «Ջոն Դիր»-ի հետ
համագործակցութիւնը հնարաւորութիւն կտայ CARD Ագրոսերվիսին
Հայաստան ներկրել բարձրակարգ գիւղատնտեսական տեխնիկա:
Ըստ ՀՀ-ում ԱՄՆ դեսպան Մարի Յովանովիչի, «Ջոն Դիր»-ը
գիւղատնտեսական սարքաւորումներ արտադրող ամենամեծ ու հեղինակաւոր
ընկերութիւններից մէկն է աշխարհում, ինչը նշանակում է, որ
ամենաբարձրորակ ու առաջատար տեխնոլոգիաների վրայ հիմնուած
գիւղատնտեսական տեխնիկան այսուհետ հասու կլինի Հայաստանի
ֆերմերներին եւ ագրոբիզնեսի ոլորտին:
Deere & Company ընկերութիւնը, որը յայտնի է որպէս «Ջոն
Դիր», հիմնուել է 1837թ.-ին ԱՄՆ-ում: Այն ունի 47 400 աշխատակիցներ,
արտադրանք է թողարկում աշխարհի 14 երկրների թւով 70
գործարաններում: