Արաբ գործարարների համար Հայաստանը մեծ հետաքրքրութիւն է
ներկայացնում` ներդրումներ կատարելու առումով
05-03-2009 23:00:00 | Հայաստան | Տնտեսութիւն
ԵՐԵՎԱՆ, 5 ՄԱՐՏԻ, ՆՈՅԵԱՆ ՏԱՊԱՆ: Հայաստանի էկոնոմիկայի
նախարար Ներսէս Երիցյանի հրաւէրով Հայաստան ժամանած Արաբական
Միացեալ Էմիրությունների արտաքին առեւտրի նախարար Շեյխա Լուբնա
Ալ-Կասիմին մարտի 5-ին ճանաչողական այց կատարեց Նոր Հաճնի ադամանդի
արտադրական ձեռնարկութիւններ եւ Ծաղկաձոր:
Նոր Հաճնում նրան ներկայացուեցին Հայաստանում ակնագործութեան
եւ ոսկեգործութեան ոլորտի ներկայ վիճակը, կիրառուող տեխնոլոգիաները,
զարգացման հնարաւոր ուղղութիւնները, ներդրումների եւ արտահանման
հնարաւորութիւնները: Ծաղկաձորում նախարարը ծանօթացաւ
գիւղմթերքների արտադրութեան, վերամշակման առկայ վիճակին ու
պոտենցիալին, ներդրումների եւ արտահանման հնարաւորութիւններին,
ինչպէս նաեւ տուրիզմի ոլորտում համագործակցութեան եւ ներդրումային
ծրագրերի իրականացման հնարաւորութիւններին:
Ն.Երիցյանի խօսքերով, այցի հիմնական նպատակն է մշակել
կարճաժամկէտ եւ երկարաժամկէտ ծրագրեր, որոնք Հայաստանում զարգացած
տնտեսութիւն ունեցող ԱՄԷ-ից ներդրումների ներհոսք ապահովելու
հնարաւորութիւն կտան: Նախարարը յայտնեց, որ արդէն կան որոշակի
պայմանավորվածություններ, մասնաւորապէս ԱՄԷ հայկական
գիւղատնտեսական մթերքներ արտահանելու ուղղութեամբ:
Գործարար Իսա Բին Նասերի խօսքերով, իրենք տեղեկացված չէին, որ
Հայաստանում կան բաւականին շատ ոլորտներ, որտեղ հնարաւոր է համատեղ
համագործակցութիւն ծավալել: Ըստ նրա, այցի ընթացքում
պայմանաւորուածութիւն է ձեռք բերուել ստեղծել հայ-էմիրաթյան համատեղ
ընկերութիւններ, ինչպէս նաեւ մշակել ծրագրեր, որոնք կնպաստեն
երկու երկրների համագործակցութեանն ու տնտեսական կապերի
զարգացմանը: «Մենք հիմնականում հետաքրքրուած ենք
գյուղատնտեսությունով, թեթեւ արդիւնաբերութեամբ եւ տուրիզմով:
Համագործակցութեան սպեկտրը բաւականին լայն է, ուստի մեզ համար եւ'
ներդրումների, եւ' աշխարհագրական դիրքի առումով Հայաստանը մեծ
հետաքրքություն է ներկայացնում»,- նշեց գործարարը: