«ԱԼՌՕՍԱ»-ն Հայաստանին մեծածաւալ վարկային գծի տրամադրման
առաջարկութիւն է ներկայացրել
04-03-2009 20:00:00 | Հայաստան | Տնտեսութիւն
ԵՐԵՎԱՆ, 4 ՄԱՐՏԻ, ՆՈՅԵԱՆ ՏԱՊԱՆ: Հայաստանի վարչապետ Տիգրան
Սարգսեյանի եւ ալմաստի արդիւնահանմամբ զբաղուող ռուսական
խոշորագոյն ընկերությանն «ԱԼՌՕՍԱ»-ի նախագահ Սերգեյ Վիբորնովի
մարտի 4-ի հանդիպմանը քննարկուել են ներկայիս համաշխարհային
ֆինանսատնտեսական ճգնաժամի պայմաններում «ԱԼՌՕՍԱ»-ի հետ
համագործակցութեան յետագայ ընթացքին, ալմաստի վերամշակմամբ զբաղուող
հայաստանեան ընկերութիւններին աջակցութեան հնարավորությանն ու
հեռանկարներին առնչուող հարցեր:
«ԱԼՌՕՍԱ» ընկերութեան նախագահը Հայաստանին մեծածաւալ վարկային
գծի տրամադրման առաջարկութիւն է ներկայացրել, ինչը
հնարաւորութիւն կտայ «ԱԼՌՕՍԱ»-ից ալմաստի հումք ձեռք բերել եւ դրա
մշակմամբ զբաղուող հայկական ձեռնարկութիւններին առաջիկայ մի քանի
տարիներին ապահովել անհրաժեշտ հումքով:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ կառավարութեան
Տեղեկատուութեան եւ հասարակայնութեան հետ կապերի վարչութիւնից,
կողմերը պայմանաւորուել են փոխշահավետ այդ վարկի պայմանները
լրացուցիչ քննարկել` եւ' վարկատուի, եւ' վարկառուի դէպքում
դիտարկելով բոլոր ռիսկերը` նկատի առնելով համաշխարհային ֆինանսական
եւ տնտեսական ճգնաժամի յետագայ հնարաւոր դրսեւորումներն ու
ազդեցութիւնը տնտեսութեան վրայ: