«Յոթի գործով» դատական նիստին զուգահեռ դարձեալ տեղի ունեցաւ
ընդդիմադիրների բողոքի ակցիան
30-01-2009 16:40:00 | Հայաստան | Քաղաքական
ԵՐԵՎԱՆ, 30 ՅՈՒՆՎԱՐԻ, ՆՈՅԵԱՆ ՏԱՊԱՆ: Յունվարի 30-ին արմատական
ընդդիմութեան կողմնակիցները Երեւանի Շենգաւիթ համայնքի ընդհանուր
իրաւասութեան դատարանի մօտ, որտեղ տեղի էր ունենում «Յոթի գործով»
դատական նիստը, կազմակերպել էին հերթական բողոքի ակցիան:
Ցուցարարները պարզել էին «Ազատութիւն հրաշալի յոթնյակին»,
«Ազատութիւն հիմա» գրութեամբ պաստառները ու ամբաստանեալների
նկարները: Ակցիայի ողջ ընթացքում նրանք վանկարկում էին «Ազատ,
անկախ Հայաստան», «Պայքար, պայքար մինչեւ վերջ»:
Անսալով դատարանի դահլիճ չմտնելու վերաբերեալ Հայ ազգային
կոնգրեսի յունվարի 29-ի կոչին, ցուցարարները մինչեւ դատական նիստի
աւարտը մնացին շէնքի բակում: Ակցիային հետեւում էին տասնեակ
ոստիկաններ եւ կարմիր բերետաւորներ, որոնք նիստից յետոյ փակել էին
մայթը` չթույլատրելով մարդկանց շարժը դէպի քաղաքի կենտրոն: Նիստից
յետոյ ակցիայի մասնակիցները ծափողջույններով ճանապարհեցին
ամբաստանեալներին եւ պայմանաւորուեցին ակցիան շարունակել ժամը 14-ին
ՀՀ Գլխաւոր դատախազութեան շէնքի մօտ: