«Բարգաւաճ Հայաստան» կուսակցութիւնը չի անցնելու ընդդիմադիր
դաշտ,- պնդում է Գագիկ Ծառուկեանի մամլոյ քարտուղարը
23-01-2009 16:30:00 | Հայաստան | Քաղաքական
ԵՐԵՎԱՆ, 23 ՅՈՒՆՎԱՐԻ, ՆՈՅԵԱՆ ՏԱՊԱՆ: «Բարգաւաճ Հայաստան»
կուսակցութեան (ԲՀԿ) նախագահ Գագիկ Ծառուկեանի մամլոյ քարտուղար
Խաչիկ Գալստեանը յունվարի 23-ի ասուլիսում կրկին հերքեց մամուլում
շրջանառուող այն տեղեկությունները, թէ ԲՀԿ-ում պատրաստւում են դուրս
գալ իշխանական կոալիցիայից եւ անցնել ընդդիմադիր դաշտ: Նա
իրականութեանը չհամապատասխանող որակեց նաեւ այն լուրերը, թէ իբր
Հայաստանի նախկին նախագահ Ռոբերտ Քոչարեանը պատրաստւում է
գլխաւորել ԲՀԿ-ն եւ իբր Գ.Ծառուկյանն ունի վարչապետ դառնալու
հավակնություն: Խ.Գալստեանը կտրականապէս հերքեց նաեւ այն
տեղեկութիւնը, թէ «Նուբարաշէնի ավտոշուկան Գ.Ծառուկեանի
նախաձեռնութեամբ շուտով փակվելու է եւ տեղափոխվելու է Աբովեան
քաղաք»: «Ինձ համար անհասկանալի է, թէ ով եւ ինչ նպատակով է
տարածում նման կեղծ լուրեր. ինչ լինում է Աբովեանում` կապում են
ԲՀԿ-ի առաջնորդի անուան հետ»,- տարակուսեց Գ.Ծառուկեանի
ներկայացուցիչը:
Խ.Գալստեանը յայտնեց, որ ԲՀԿ-ի փետրուարի 12-ին կայանալիք
համագումարին ընդառաջ ներկայումս անցկացւում են կուսակցութեան
տարածքային կազմակերպութիւնների կոնֆերանսները: Նա
չմասնավորեցրեց, թէ ինչպիսի հարցեր են լինելու համագումարի
օրակարգում: