Ըստ Արթուր Բաղդասարեանի, Հայաստանի նկատմամբ պատժամիջոցների
կիրառումը կարող է երկիրը դուրս հանել բարեփոխումների ուղուց
15-01-2009 23:00:00 | Հայաստան | Քաղաքական
ԵՐԵՎԱՆ, 15 ՅՈՒՆՎԱՐԻ, ՆՈՅԵԱՆ ՏԱՊԱՆ: Ազգային անվտանգութեան
խորհրդի քարտուղար Արթուր Բաղդասարեանը յունվարի 15-ին ընդունել է
ԵԽ ԽՎ մոնիթորինգի յանձնաժողովի համազեկուցողներ Ջոն Պրեսկոտին եւ
Ժորժ Կոլոմբիեին, յանձնաժողովի քարտուղար Բաս Քլայնին: Ըստ ՀՀ
Ազգային անվտանգութեան խորհրդի մամուլի գրասենեակի, հանդիպմանը
քննարկուել են ԵԽ ԽՎ 1609 եւ 1620 բանաձւերի կատարմանը վերաբերող
հարցեր:
Ա.Բաղդասարեանը նշել է, որ 1609 եւ 1620 բանաձեւերի կատարման
ուղղութեամբ էական առաջընթաց է գրանցուել: Ըստ նրա, Հայաստանը
որդեգրել է բարեփոխումների ուղին, եւ իշխանութիւնների նպատակն այդ
բարեփոխումները խորացնելն է: Նա նշել է, որ ԵԽԽՎ-ի յունուարեան
նստաշրջանին Հայաստանի նկատմամբ պատժամիջոցների կիրառումը կարող է
երկիրը դուրս հանել բարեփոխումների ուղուց, ուստի ԵԽ ԽՎ-ից աւելի
հաւասարակշռուած դիրքորոշում է ակնկալւում: