Հայաստանի դեսպանն իր հաւատարմագրերն է յանձնել Չինաստանի
նախագահին
15-01-2009 22:00:00 | | Քաղաքական
ՊԵԿԻՆ, 15 ՅՈՒՆՎԱՐԻ, ՆՈՅԵԱՆ ՏԱՊԱՆ: Յունվարի 15-ին ՉԺՀ-ում ՀՀ
դեսպան Արմէն Սարգսեանն իր հաւատարմագրերն է յանձնել Չինաստանի
Ժողովրդական Հանրապետութեան նախագահ Հու Ձինթաոյին: Յանձնման
արարողութիւնից յետոյ տեղի ունեցած զրոյցի ընթացքում մտքեր են
փոխանակուել երկկողմ յարաբերութիւնների ներկայ մակարդակի եւ յետագայ
զարգացման հեռանկարների մասին:
Ըստ ՀՀ ԱԳՆ Մամուլի եւ տեղեկատուութեան վարչութիւնից «ՆՈՅԵԱՆ
ՏԱՊԱՆ»-ին տրամադրած հաղորդագրութեան, Չինաստանի նախագահը խնդրել է
փոխանցել իր բարեմաղթանքները ՀՀ նախագահին: Անդրադառնալով Հայաստան
այցելելու Սերժ Սարգսյանից ստացուած հրաւէրին` Հու Ձինթաոն յայտնել
է, որ շնորհակալությամբ ընդունում է այն:
Յաջողութիւններ մաղթելով Ա.Սարգսեանին, Հու Ձինթաոն ասել է,
որ Հայաստանի դեսպանը երկկողմ յարաբերութիւնների ամրապնդման եւ
խորացման իր առաքելութեան կատարման ընթացքում կունենայ Չինաստանի
կառավարութեան ամենայն աջակցութիւնը:
ԴԱՍ. ՀԱՅԵՐԵՆ 
Հայերեն
Русский
English
French