ԴԵԿՏԵՄԲԵՐԻՆ ԿԱՅԱՆԱԼՈՒ Է ԱԶԳԱՅԻՆ ԿՈՆԳՐԵՍԻ ՀԱՄԱԺՈՂՈՎԸ
28-11-2008 23:00:00 | Հայաստան | Քաղաքական
ԵՐԵՎԱՆ, 28 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Նոյեմբերի 28-ին տեղի է
ունեցել Հայ Ազգային Կոնգրեսի մաս կազմող կուսակցութիւնների,
հասարակական կազմակերպութիւնների խորհրդակցութիւն: Ինչպէս
«ՆՈՅԵԱՆ ՏԱՊԱՆ»-ին տեղեկացրեցին Հայ Ազգային Կոնգրեսից, Հաւաքին
մասնակցել են ՀՀ առաջին նախագահ Լեւոն Տեր-Պետրոսեանը,
կուսակցութիւնների ղեկավարները, ՀԱԿ կենտրոնական գրասենեակի
ներկայացուցիչները եւ կուսակցութիւնների ղեկավար ակտիւը:
Շուրջ չորս ժամ տեւած խորհրդակցութեան ընթացքում քննարկուել են
Հայաստանի ներքաղաքական եւ տնտեսական իրավիճակը, Լեռնային Ղարաբաղի
հակամարտութեան կարգաւորման ներկայ հանգրուանն ու Կոնգրեսի առաջիկայ
անելիքները:
Խորհրդակցութիւնը նպատակ նաեւ ուներ ուրուագծել դեկտեմբերին
կայանալիք Կոնգրեսի համաժողովի հիմնական օրակարգային հարցերը: