ԴԵԿՏԵՄԲԵՐԻՆ ԿԱՅԱՆԱԼՈՒ Է ԱԶԳԱՅԻՆ ԿՈՆԳՐԵՍԻ ՀԱՄԱԺՈՂՈՎԸ
28-11-2008 23:00:00 | Հայաստան | Քաղաքական
ԵՐԵՎԱՆ, 28 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 28-ին տեղի է
ունեցել Հայ Ազգային Կոնգրեսի մաս կազմող կուսակցությունների,
հասարակական կազմակերպությունների խորհրդակցություն: Ինչպես
«ՆՈՅՅԱՆ ՏԱՊԱՆ»-ին տեղեկացրեցին Հայ Ազգային Կոնգրեսից, Հավաքին
մասնակցել են ՀՀ առաջին նախագահ Լեւոն Տեր-Պետրոսյանը,
կուսակցությունների ղեկավարները, ՀԱԿ կենտրոնական գրասենյակի
ներկայացուցիչները եւ կուսակցությունների ղեկավար ակտիվը:
Շուրջ չորս ժամ տեւած խորհրդակցության ընթացքում քննարկվել են
Հայաստանի ներքաղաքական եւ տնտեսական իրավիճակը, Լեռնային Ղարաբաղի
հակամարտության կարգավորման ներկա հանգրվանն ու Կոնգրեսի առաջիկա
անելիքները:
Խորհրդակցությունը նպատակ նաեւ ուներ ուրվագծել դեկտեմբերին
կայանալիք Կոնգրեսի համաժողովի հիմնական օրակարգային հարցերը: