Երեւանում աւարտուեց ՖԽՎ-ի Եւրոպական տարածաշրջանի` կրթական
համակարգի խնդիրներին նուիրուած, համաժողովը
05-05-2010 20:30:00 | Հայաստան | Քաղաքական
ԵՐԵՎԱՆ: «Կրթական
համակարգերի խնդիրները եւ մարտահրավերները մեր
հասարակություններում սոցիալ-տնտեսական եւ մշակոյթային
զարգացումների համատեքստում» թեմայով Երեւանում անցկացուող
Ֆրանկոֆոնիայի խորհրդարանական վեհաժողովի Եւրոպական տարածաշրջանի
23-րդ համաժողովի աւարտին` մայիսի 5-ին, ընդունուեց բանաձեւ:
Կրթական համակարգի բարեփոխումների վերաբերեալ առաջարկութիւններ
պարունակող փաստաթղթում համաժողովին մասնակցած Եւրոպայի տարբեր
երկրների աւելի քան 80 ներկայացուցիչների կողմից, մասնաւորապէս,
կարեւորւում է որակեալ կրթութեան անհրաժեշտութիւնը, ինչը միտուած
կլինի դպրոցում էթնիկ եւ այլ խմբերի համար հաւասար պայմանների,
արդարութեան ապահովմանը: Ինչպէս համաժողովին յաջորդած ասուլիսում
յայտնեց ՖԽՀ-ի եւրոպական տարածաշրջանի առաքելութան ղեկավար Ժան-Պոլ
Վահլը, կազմակերպութեան անդամ երկրների կողմից բանաձեւում
ամրագրուած առաջարկների կատարման ընթացքին հետեւելու նպատակով իրենք
կդիմեն Ֆրանկոֆոնիայի կազմակերպութեանը` Եւրոպայի մակարդակով
դիտորդական մարմին ստեղծելու առաջարկով:
Առաքելութեան ղեկավարը եւ ՖԽՎ-ում Ֆրանսիայի խորհրդարանի
պատուիրակութեան նախագահ Հենրիետ Մարտինեսը գոհունակութիւն
յայտնեցին Հայաստանի կողմից համաժողովը «հոյակապ մակարդակով»
կազմակերպելու, նաեւ հուզմունք յայտնեցին համաժողովի շրջանակներում
այցելած երկուական համալսարաններում եւ դպրոցներում առկայ կրթական
որակի կապակցութեամբ: Ըստ բելգիացի Ժան-Պոլ Վահլի, անձամբ ինքն
երջանիկ կլինէր, եթէ իր երկրում, որտեղ կայ պետական երկու լեզու,
երկրորդ լեզուին տիրապետեին այնպէս, ինչպէս` Հայաստանում: Ինչպէս
նշեց Ա.Մարտինեսը, ՖԽՎ-ն ունի երկու նպատակ` պաշտպանել ֆրանսերենը
եւ խթանել ժողովրդավարական արժէքները: Ըստ նրա, ակնյայտ է, որ
Հայաստանը հաւատարիմ է երկու նպատակներին էլ, իսկ ֆրանսերէնի
հարցում կարելի է ասել, որ այն Հայաստանում «խորապէս պաշտպանուած
է»:
ՖԽՎ-ում Հայաստանի Ազգային ժողովի պատուիրակութեան ղեկավար
Արմէն Ռուստամեանն էլ նշեց, որ Երեւանում համաժողովի անցկացման
հիմնական նպատակն էր հանրութեան կողմից կազմակերպութեան դերն
ընկալելի դարձնելը, ինչն այս երկու օրերին յաջողուեց: Ըստ նրա,
համաժողովի անցկացումը նաեւ լուրջ հնարաւորութիւն էր շփումների,
միջազգային կապերի զարգացման համար: Նշուեց նաեւ, որ Ֆրանկոֆոնիան
համախմբում է ոչ միայն ընդհանուր լեզվամտածողությամբ մարդկանց,
այլեւ ժողովրդավարութեան եւ մարդու իրաւունքների պաշտպանութեան վրայ
հիմնուած արժեհամակարգը կրողներին:
Ասուլիսից անմիջապէս յետոյ համաժողովի մասնակիցներն
ուղեւորուեցին Ծիծեռնակաբերդ` յարգանքի տուրք մատուցելու Հայոց
ցեղասպանութեան զոհերի յիշատակին: Մայիսի 6-ին նրանք կայցելեն
Հայաստանի մի շարք պատմամշակութային օջախներ: