Բաքւում ոստիկանութիւնը ցրել է Նաւթային ակադեմիայի դէպքերի
տարելիցին նուիրուած ցույցը. կան վիրաւորներ ու ձերբակալվածներ
30-04-2010 18:48:00 | | Հասարակութիւն
ԲԱՔՈՒ, 30 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Այսօր Բաքւում
ոստիկանութիւնը ցրել է Նաւթային ակադեմիայում տեղի ունեցած
ահաբեկչութեան տարելիցին նուիրուած ցույցը, ակցիայի մասնակից տասնեակ
երիտասարդներ ձերբակալուել են:
«Ազատութիւն» ռադիոկայանի ադրբեջանական ծառայութեան
վկայութեամբ` իրաւապահները փակել են դէպի Նաւթային ակադեմիա տանող
ճանապարհները, երբ ուսանողների խմբերը մոտենում էին շէնքին`
ծաղիկներ դնելու:
Ոստիկանութեան կողմից ցույցը ցրելու ժամանակ մի քանի
ուսանողներ մարմնական վնասուածքներ են ստացել:
Յիշեցնենք, որ 2009 թուականի ապրիլի 30-ին Վրաստանի քաղաքացի,
ազգութեամբ ադրբեջանցի Ֆարդա Գադիրովը ներխուժել էր Նաւթային
ակադեմիայի շէնք եւ, աստիճաններով բարձրանալով անկանոն կրակ բացել
ուսանողների եւ դասախօսների ուղղութեամբ. զոհուել էր 12, վիրաւորել`
13 մարդ: Անվտանգութեան ուժերի ձեռնարկած գործողութիւններից յետոյ
ինքնասպան էր եղել նաեւ ինքը` 29-ամեայ Գադիրովը: