Վաշինգտոնում Սպիտակ տան առջեւ անցկացուել է բողոքի ակցիա
24-04-2010 21:30:00 | ԱՄՆ | Քաղաքական
ՎԱՇԻՆԳՏՈՆ, 24 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Վաշինգտոնում,
Սպիտակ տան դիմաց, Հայոց Ցեղասպանութեան 95-րդ տարելիցին առաջին
անգամ անցկացուել է բողոքի ակցիա: Այն կազմակերպել է ՀՅԴ Ամերիկայի
Հայ Դատի յանձնախումբը: Հաւաքի մասնակիցները պահանջել են ԱՄՆ
նախագահից իր ամենամեայ ուղերձում ճանաչել Հայոց Ցեղասպանութիւնը:
Ակցիայի մասնակիցները կրում էին հետեւեալ պաստառները.
«Օբամա', կատարիր խոստումդ», «Թուրքիա', բաւական է հերքես
ցեղասպանութիւնը», «Մենք արդարութիւն ենք պահանջում», «Մենք
երբեք չենք մոռանա Հայոց Ցեղասպանութիւնը», «Թուրքիան դեռ
թաքնվում է իր ստերի հետեւում» պահանջներն ու կարգախօսները:
Վաշինգտոնում միջոցառումները շարունակուելու են նաեւ այսօր:
Աւելի ուշ յայտնի դարձաւ, որ Բարաք Օբաման «ցեղասպանութիւն»
բառեզրը չի արտասանել: ԱՄՆ Նախագահն արտասանել է ցեղասպանութիւն
բառի հայերէն հոմանիշը` «Մեծ եղեռն»: