Յունաստանում անցկացւում են Հայոց Ցեղասպանութեան 95-ամեակին
նուիրուած միջոցառումներ
24-04-2010 17:30:00 | | Քաղաքական
ԱԹԷՆՔ, 24 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Հայոց
ցեղասպանութեան 95-ամեակի յիշատակի եւ ոգեկոչման արարողութիւնների
մեկնարկը Յունաստանի մայրաքաղաք Աթէնքում տրուեց ապրիլի 23-ի
երեկոյեան: Աթէնքի Սինտագմա կենտրոնական հրապարակում կազմակերպուել է
յունահայ սիրուած երգիչ Հայկ եւազըջյանի եւ Համազգային հայ կրթական
եւ մշակոյթային միութեան Յունաստանի շրջանային վարչութեան
երիտասարդական պարախմբերի համերգը: Հանդիսաւոր միջոցառումների եւ
դրան նախորդած օրերին Սինտագմա հրապարակում նաեւ կազմակերպուել է
գեղանկարչական աշխատանքների ցուցահանդէս: Տեղակայվել է տաղավար,
որտեղ ցուցադրվում են տեսաժապավեններ, պատմական լուսանկարներ եւ
գրքեր` յոյն հանրութեանը ցեղասպանութեան մասին աւելի լայնօրէն
իրազեկելու եւ ցեղասպանութեան 95-ամեակի ոգեկոչմանը նրանց մասնակից
ու հաղորդակից դարձնելու նպատակով:
Ապրիլի 24-ին, Աթէնքի Նեա Զմիռնի /«Նոր Զմյուռնիա»/ թաղամասի
«Զանգակ» յուշակոթողի մօտ տեղի կունենայ ցեղասպանութեան զոհերի
յիշատակի ոգեկոչման արարողութիւն, իսկ ապրիլի 25-ին «Ատտիկոն»
սրահում կկայանայ յիշատակի արարողութիւնների կենտրոնական ձեռնարկը:
Ապրիլի 25-ին ցեղասպանութեան 95-ամեակի միջոցառումներ
կանցկացուեն նաեւ Յունաստանի Սալոնիկ եւ Կոմոթինի քաղաքներում: