Կայացաւ իսպանահայ տենոր Վահրամ Թադեւոսյանի համերգը Երեւանում
14-04-2010 21:30:00 | Հայաստան | Մշակոյթ
ԵՐԵՎԱՆ, 14 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Երեւանի «Արամ
Խաչատրեան» համերգասրահում կայացաւ իսպանահայ տենոր Վահրամ
Թադեւոսյանի համերգը: Թադեւոսյանին նվագակցում էր Հայաստանի
պետական կամերային նուագախումբը` դիրիժոր Վարդան Յակոբեանի
ղեկավարութեամբ: Երգիչը համերգը բացեց Մակար Եկմալեանի «Օրհնյալ է
Աստուած Քրիստոս պատարագյալ» երգով: Հնչեցին ինչպէս համաշխարհային,
այնպէս էլ հայ դասական ստեղծագործութիւններ:
«Շատ կարեւոր է, որ սփիւռքում ապրած հայ տաղանդաւոր
երիտասարդները հոգեւոր կամրջով կապուեն հայրենիքի հետ, իրենց ներուժը
բերեն, իրենց աջակցութիւնը ցոյց տան հայկական մշակոյթին»,-
նշել է ՀՀ Սփիւռքի նախարարութեան համահայկական ծրագրերի
վարչութեան մշակոյթային, սպորտի եւ երիտասարդական ծրագրերի բաժնի
պետ Նադյա Անտոնեանը:
«Վահրամ Թադեւոսեանը իր հիասքանչ եւ անկրկնելի կատարումներով,
եւրոպական, հայ դասական եւ ժողովրդական բարձրագոյն երգարվեստով
գերել է ֆրանսիացիներին, իտալացիներին, գերմանացիներին, ինչպէս
նաեւ մեր հայրենակիցներին, որոնք այդ երգերի շնչով եւ
հոգեբանութեամբ ոգեւորված կգոյատեւեն ընդմիշտ` աշխարհի որ ծայրում
էլ ապրելիս լինեն: Այս ամէնի հետ նա աշխարհին է ներկայացնում նաեւ
հայոց երգի դարաւոր պատմութիւնը», - ասուած է Հայաստանի պատւոյ
հիւպատոս Լուիս Բարբարա Զապատերոյի ուղերձում:
ՀՀ Սփիւռքի նախարար Հրանուշ Յակոբեանի հրամանով, ով եւս ներկայ
էր համերգին, Թադեւոսեանը պարգեւատրուեց նախարարութեան պաատվոգրով` հայ
ինքնութեան պահպանմանը, հայ մշակոյթի զարգացմանը նպաստելու եւ հայ
մաշկույթը լաւագոյնս ներկայացնելու համար: