Բրիտանական հիւանդանոցների հիւանդները մեռնում են սովից
09-04-2009 17:40:00 | | Միջազգային
ԼՈՆԴՈՆ, 9 ԱՊՐԻԼԻ, ՆՈՅԵԱՆ ՏԱՊԱՆ: 2007 թուականին Մեծ
Բրիտանիայի պետական հիւանդանոցներում թերսնումից մահացել են վերջին
տասնամեակում ռեկորդային թւով հիւանդներ` 242 մարդ, հաղորդում է
Medportal.Ru-ն: 1997 թուականին նման մահերը եղել են 209-ը:
Ընդամէնը 1997 թուականից մինչեւ 2007 թուվականը սովից վախճանուել է
2311 հիւանդ:
Բրիտանական հիւանդանոցներում աւելի յաճախ թերսնման զոհ են
դառնում տարեցները: Ուտելիքը հիւանդանոցներում այնքան անհամ է, որ
հիւանդները հրաժարվում են նրանից. ամէն տարի 11 մլն. բաժին ուտելիք
է մնում ձեռք չտուած: Այդուամենայնիւ, բարդ է պատկերացնել մի
իրավիճակ, երբ սովից մահացող մարդը հրաժարուի անհամ սննդից:
Շատ աւելի ճշմարտանման է թւում մէկ այլ պատճառ. յաճախ
ուտելիքով սպասքը դնում են սահմանափակ հնարաւորութիւններով տարեց
հիւանդներից հեռու: Ընդ որում բուժքոյրերը եւ հիվանդապահները
յայտարարում են, որ իրենք չափազանց զբաղուած են, որպէսզի կերակրեն
հիւանդներին: