Վերջին 3 տարիներին քրէակատարողական հաստատութիւններում չի եղել սպանութիւն, չի դատապարտուել իգական սեռի եւ ոչ մի անչափահաս։ Ազգային ժողով-կառավարութիւն ապրիլի 13-ի հարցուպատասխանի ժամին այս մասին յայտարարեց Հայաստանի արդարադատութեան նախարար Հրայր Թովմասեանը։ Նախարարը համաձայնեց ԱԺ «Ժառանգութիւն» խմբակցութեան քարտուղար Լարիսա Ալաւերդեանի դիտարկմանը, թէ կալանավայրերում շուրջ 2,5 անգամ աւելացել էն մահուան դէպքերը. 2010թ.-ին դրանք կազմել էն 37՝ նախորդ տարուայ 15-ի դիմաց։ Ըստ ոլորտի պատասխանատուի, մահուան դէպքերի մի մասը հետեւանք է թմրամոլութեամբ պայմանաւորուած` բենզինի եւ որոշակի նիւթերի խառնուրդի օգտագործմամբ ։ Կալանավայրերում արձանագրուած բոլոր 4 ինքնասպանութեան դէպքերում առկայ է ինքնասպանի գրութիւնը` իր մահուան մէջ ոչ ոքի չմեղադրելու մասին: Այդ է պատճառը, որ, նախարարի ունեցած տեղեկութիւններով, քրէական գործեր չէն յարուցուել։ Նախարարն որպէս «ամենամտահոգող» գնահատեց կալանավայրերի գերբնակեցման խնդիրը, որը բնորոշ է գրեթէ բոլոր հետխորհրդային տարածքի երկրներին։ Դրա լուծման մեխանիզմներից է, մասնաւորապէս, պատժի չկրած մասը հանրային աշխատանքով փոխարինելու միջոցը՝ նախորդ ամիս 19 դատապարտեալ է փոխարինել պատժի չկրած մասը հանրային աշխատանքով, իսկ այս ամիս նրանց թիւը կը հասնի մօտ 40-ի։ Ներկայումս քննարկւում է Գորիսի քրէակատարողական հիմնարկի շինարարութեան համար բիւջէով նախատեսուած մէկ մլրդ դրամը Արմավիր քրէակատարողական հիմնարկին վերաբաշխելու հարցը, ինչի արդիւնքում 1-2 տարուայ ընթացքում հնարաւոր կը լինի ունենալ 400-տեղանոց նոր տիպի քրէակատարողական հիմնարկ։ Քննարկւում է նաեւ Երեւանում նոր կառոյց ունենալու հարցը, ինչը կը թեթեւացնի «Նուբարաշեն» ՔԿՀ գերբնակեցուածութեան խնդիրը։ «Ռազմավարական առումով «Նուբարեշէն»-ը` որպէս ՔԿՀ, ընդհանրապէս պէտք է փակուի, որովհետեւ ժամանակակից չափանիշներին իրօք չի համապատասխանում»,- ասաց ՀՀ արդարադատութեան նախարարը։ Հրայր Թովմասեանը յայտնեց նաեւ, որ վերազինման աշխատանքների շնորհիւ առաջիկայում հնարաւոր կը լինի փոքր վիրահատութիւններ կազմակերպել «Նուբարաշեն» քրէակատարողական հիմնարկում։հիմնադրամների աջակցութեամբ ձեռք է բերուել մօտ 8 մլն դրամի դեղորայք, ներկայումս բանակցութիւններ էն ընթանում «Գլոբալ» հիմնադրամի հետ առողջապահական նիւթեր եւ սարքաւորումներ մատակարարելու հարցով։

---