Ռուսական խոշոր հեռուստաալիքները դադարեցրել են հեռարձակումը
Բելոռուսիայում
01-04-2009 18:26:00 | | Միջազգային
ՄԻՆՍԿ, 1 ԱՊՐԻԼԻ, ՆՈՅԵԱՆ ՏԱՊԱՆ: Ռուսական «ՌԵՆ ՏՎ», «Առաջին
ալիք. Համաշխարհային ցանց», «ՏՎՑ-Ինտերնեյշնլ», «ՌՏՌ-Պլանետա» եւ
«ՆՏՎ-Միր» հեռուստաալիքները հանուել են Բելոռուսիայի կաբելային
հեռարձակման ցանցից, հաղորդում է «Նովոստի» գործակալութիւնը:
«ԶԼՄ-ների մասին նոր օրէնքն ուժի մէջ մտնելուց յետոյ նրանք
Բելոռուսիայի տարածքում հեռարձակման արտօնութիւն չեն ստացել:
Մասնաւորապէս, ԶԼՄ-ների մասին օրէնքում յստակ ամրագրուած է, որ
հեռուստատեսային ալիքները պէտք է առաջիկայ երեք ամսուայ ընթացքում
ստանան երկրի տարածքում հեռարձակման թույլտվություն: Այդ աշխատանքը
այս հեռուստաալիքների ներկայացուցիչները չեն արել»,- յայտնել են
Բելոռուսիայի տեղեկատուութեան նախարարութիւնում` աւելացնելով, որ
«ոչ մի քաղաքական աստառ այդ ալիքների հեռարձակման անջատման մէջ
չկայ»:
Միաժամանակ նախարարութիւնում չեն ճշտել, հնարաւոր է արդեօք
այդ հեռուստաալիքների հեռարձակման վերականգնումը Բելոռուսիայի
տարածքում: