Բարաք Օբաման սկսում է իր առաջին Եւրոպական շրջագայությունը
31-03-2009 16:31:00 | ԱՄՆ | Միջազգային
ՎԱՇԻՆԳՏՈՆ, 31 ՄԱՐՏԻ, ՆՈՅԵԱՆ ՏԱՊԱՆ: ԱՄՆ-ի նախագահ Բարաք
Օբամայի եւրոպական առաջին ուղեւորությունն սկսւում է Մեծ
Բրիտանիայից, որտեղ նա կժամանի երեքշաբթի երեկոյեան, լրագրողներին
յայտնել է Սպիտակ տան մամլոյ քարտուղար Ռոբերտ Գիբսը:
Չորեքշաբթի ծրագրուած են ԱՄՆ-ի նախագահի երկկողմ հանդիպումները
Մեծ Բրիտանիայի, Ռուսաստանի, Չինաստանի ղեկավարների հետ:
Նոյն օրը Օբաման հանդիպումներ կունենայ Մեծ Բրիտանիայի
պահպանողական կուսակցութեան առաջնորդ Դեյվիդ Կամերոնի եւ Եղիսաբեթ
Երկրորդ թագուհու հետ: Հինգշաբթի ԱՄՆ-ի նախագահը կմասնակցի G-20-ի
գագաթնաժողովի աշխատանքին, իսկ յետոյ կմեկնի Ստրասբուրգ, որտեղ
կհանդիպի Ֆրանսիայի նախագահ Նիկոլա Սարկոզիի հետ: Այնտեղից ուրբաթ
օրը Օբաման ուղղաթիռով կուղեւորուի գերմանական Բադեն-Բադեն, որտեղ
նրան կդիմաւորի ԳԴՀ կանցլեր Անգելա Մերկելը:
Սպասւում է, որ կիրակի ԱՄՆ-ի նախագահը կլինի Պրահայում, որտեղ
նա հանդիպում կանցկացնի Եւրոպական միութեան ղեկավարութեան հետ:
Օբաման նաեւ կհանդիպի Չեխիայի նախագահ Վացլավ Կլաուսի, նախկին
վարչապետ Միրեկ Տոպոլանեկի եւ հանրապետութեան նախկին նախագահ
Վացլավ Յաւելի հետ:
Կիրակի օրը Օբաման կժամանի Թուրքիայի մայրաքաղաք Անկարա եւ
ելոյթ կունենայ թուրքական խորհրդարանում: