ԹԵԼ ԱՒԻՒ, 26 ՄԱՐՏԻ, ՆՈՅԵԱՆ ՏԱՊԱՆ: Իսրայելի օդուժը յունուարին
Սուդանում ռազմական բեռ փոխադրող պահակախմբին հարուածներ է հասցրել
այն ժամանակ, երբ Իսրայելի պաշտպանութեան ուժերը ռազմական
գործողութիւններ էին իրականացնում Գազայի յատուածում «Համաս»
խմբաւորման զինյալների դէմ: Այս մասին հաղորդում է Jerusalem Post
թերթը` վկայակոչելով ամերիկեան CBS հեռուստաընկերութեան անանուն
աղբիւր:
«Իսրայելական հետախուզութիւնը պարզել է, որ զենքը Սուդանով
տեղափոխւում էր Եգիպտոսի հիւսիս, որպէսզի յետոյ Սինայի թերակղզով
մաքսանենգ ճանապարհով այն ուղարկվեր Գազայի հատուած»,- նշել է
աղբիւրը:
Ըստ նրա, 2009 թուականի յունուարին Իսրայելի ռազմաօդային ուժերը
Սուդանում ռմբակոծել են «Համասի» համար նախատեսուած Սուդանով անցնող
ռազմական բեռով պահակախումբը: Հարուածի արդիւնքում զոհուել է 39
մարդ, այրուել 17 բեռնատար: