ԱՄՆ-ը խօստովանել է միջուկային զէնքի առկայութիւնն
Իսրայելում
20-03-2009 15:40:00 | ԱՄՆ | Միջազգային
ՎԱՇԻՆԳՏՈՆ, 20 ՄԱՐՏԻ, ՆՈՅԵԱՆ ՏԱՊԱՆ: ԱՄՆ-ի զինվորականները
առաջին անգամ կիսապաշտօնական ձեւով խօստովանել են, որ Իսրայելը
միջուկային զէնք ունի:
«Այդ եզրակացութիւններն առկայ են նոր միայն գաղտնազերծուած
ԱՄՆ-ի պաշտպանութեան նախարարութեան զեկոյցում: Զեկոյցը
պատրաստուել է ԱՄՆ-ի Միացեալ հրամանատարութեան կողմից, այն կոչւում
է «Մարտահրաւէրներն ու հետեւանքները ապագայի Միացեալ ուժերի
համար»,- ասւում է Washington ProFile միջազգային լրատուական
գործակալութեան հաղորդման մէջ:
Զեկոյցում վերլուծւում են համաշխարհային քաղաքականութեան,
պաշտպանութեան, տնտեսութեան, էներգետիկայի, էկոլոգիայի եւ
ժողովրդագրութեան (մասնաւորապէս, նշւում է, որ Ռուսաստանի
բնակչությոնը տարեկան կրճատւում է 0,5%-ով) տարբեր տրենդներ, որոնք
կարող են ազդել խնդիրների վրայ, որ ծառացած են ԱՄՆ-ի Զինուած ուժերի
առջեւ: