Դրական լուծում է ստացել Հայաստանի Մարդու իրաւունքների
պաշտպանի գրասենեակ յղուած 429 բողոք
10-03-2009 19:45:00 | Հայաստան | Մարդու իրաւունքներ
ԵՐԵՎԱՆ, 10 ՄԱՐՏԻ, ՆՈՅԵԱՆ ՏԱՊԱՆ: 2008թ.-ի ընթացքում ՀՀ
Մարդու իրաւունքների պաշտպանի գրասենեակ դիմել է 5 800 քաղաքացի:
429 բողոքների դրական լուծում է տրուել,-այս մասին յայտնեց ՀՀ
մարդու իրաւունքների պաշտպան Արմէն Յարութիւնեյանը` մարտի 10-ին
ներկայացնելով մարդու իրաւունքների վիճակի մասին 2008թ.-ի իր
զեկոյցը:
Մարդու իրաւունքների խախտումների թւում Պաշտպանը նշեց
հաւաքների ազատութեան իրաւունքի խախտումները. ըստ նրա, 90-ից աւելի
դէպքերում ընդդիմությանը չի թույլատրվել զանգվածային միջոցառում
անցկացնել: Մինչդեռ փորձը ցոյց է տուել, որ ընդդիմութեան
միջոցառումները խաղաղ ու հանգիստ են անցել, եւ պարզ չէ, թէ ինչ
տեղեկատուութեան հիման վրայ իշխանութիւնները չեն թույլատրել դրանց
անցկացումը:
Խօսքի ազատութեան եւ լրագրողների անվտանգութեան խնդիրների
թւում Պաշտպանը յիշատակեց, մասնաւորապէս, ոստիկանի կողմից «Չորրորդ
իշխանութիւն» թերթի լրագրող Գոհար Վեզիրյանին հարուածելու եւ
գետնին գցելու փաստը, որն առայսօր իշխանութեան կողմից արձագանք չի
գտել: Նա յիշատակեց նաեւ ընդդիմադիր «Ժամանակ Երեւան» թերթի
լրագրող Կարինէ Յարութիւնյանին «Գլաձոր» համալսարանից աշխատանքից
ազատ արձակելու դէպքը: «Պարզուֆեց, որ ինչ-որ մի փուլից նա չի
համապատասխանում դասախոսի կոչմանը»,- նկատեց Արմէն Յարութիւնեյանը:
Պաշտպանը յիշատակեց օրէնքի ոչ տարբերակուած մօտեցման երկու`
«ԳԱԼԱ» հեռուստաընկերութեան եւ «Բջնի» հանքային ջրերի գործարանի,
դէպքերը: Նա ընդգծեց, որ Պաշտպանի գրասենեակը քննութեան առարկայ չի
դարձրել այն հարցը, թէ նշուած ընկերութիւնները օրէնքի հետ խնդիրներ
ունե՞ն, թէ` ոչ:
Պաշտպանը որպէս մտահոգիչ բնորոշեց քրէակատարողական
հիմնարկներում առկայ «շատ մեծ» վախի մթնոլորտը, ինչի պատճառով
մարդիկ չեն խօստովանում խոշտանգումների փաստը: Նա յիշատակեց նաեւ
անմեղութեան կանխավարկածի սկզբունքի խախտման դէպքերից մէկը:
Ա.Յարութիւնեանի գնահատմամբ, շատ լուրջ է սեփականութեան
իրաւունքի պաշտպանութեան խնդրի հետ կապուած իրավիճակը. Պաշտպանի
գրասենեակը ստացել է խնդրին առնչուող 100-ից աւելի բողոքներ, որոնք,
մասնաւորապէս, վերաբերում են անշարժ գոյքի կադաստրային արժէքից
ցածր գնահատուելու իրողությանը: Պաշտպանն ընդգծեց, որ 7 տարուայ
ընթացքում որեւէ քաղաքացի Հայաստանում նշուած իրաւունքի
պաշտպանութեան հետ կապուած որեւէ դատ չի շահել` այն դէպքում, երբ ՀՀ
քաղաքացիները, դիմելով Մարդու իրաւունքների եւրոպական դատարան,
մեծամասամբ շահում են դատերը:
Ա.Յարութիւնեյանը նշեց, որ Մարդու իրաւունքների գրասենեակը
շատ բողոքներ է ստացել աշխատանքից ազատելու հարցի առնչութեամբ. ըստ
նրա, ազատումները օրէնքի տառի տեսակետից հիմնաւորուած են, սակայն
դրանց քանակը բաւականին մեծ է: