ԵՄ-ն մտադիր է պայքարել տղամարդկանց եւ կանանց աշխատավարձերի
հաւասարութեան համար
05-03-2009 18:00:00 | | Միջազգային
ԲՐԻՒՍԷԼ, 5 ՄԱՐՏԻ, ՆՈՅԵԱՆ ՏԱՊԱՆ: Եւրոպական յանձնաժողովը
տեղեկատուական քարոզարշավ է սկսել Եւրամիութեան երկրներում
տղամարդկանց եւ կանանց աշխատավարձերի անհաւասարութեան դէմ պայքարի
նպատակով, յայտնել է աշխատանքի տեղավորման եւ հաւասար
հնարաւորութիւնների եվրոհանձնակատար Վլադիմիր Շպիդլան:
«Տղամարդկանց եւ կանանց աշխատանքի վարձատրության
անհաւասարութեան դէմ պայքարի համար անհրաժեշտ է գործել բոլոր
մակարդակներում եւ ներգրաւել բոլոր շահագրգիռ անձանց`
գործատուներին, արհմիութիւնները, իշխանութեան ներկայացուցիչներին
եւ հասարակ քաղաքացիներին: Մեր քարոզարշավը կյիշեցնի բոլորին, որ
կանայք Եւրամիութեան երկրներում առայժմ աւելի քիչ են վաստակում,
քան տղամարդիկ, եւ ուշադրութիւնը կբեւեռի հնարաւոր
գործողութիւնների վրայ»,- յայտարարել է եվրոհանձնակատարը:
Մարտի 8-ին` Կանանց միջազգային օրուան նուիրուած այս արշաւի
նշանաբանն է` «Հաւասար աշխատանքի համար հաւասար վարձատրութիւն»:
Երեքշաբթի Եւրոպական յանձնաժողովը ներկայացրել է տղամարդկանց
եւ կանանց հաւասարութեան մասին ամենամեայ հաշուէտւութիւնը, համաձայն
որի, չնայած որոշակի առաջընթացին, շատ ոլորտներում սեռերի
անհաւասարութիւնը պահպանւում է: Այսպէս, կանայք ստանում են միջինը
17,4%-ով աւելի քիչ, քան տղամարդիկ, եւ յաճախ աշխատում են ցածր
վարձատրւող ասպարէզներում: Ընդ որում բուհերի շրջանաւարտների 59%-ը
կանայք են:
Տղամարդկանց եւ կանանց աշխատանքի հաւասար վարձատրության
սկզբունքը ԵՄ հիմնարար սկզբունքներից մէկն է: Այն ամրագրուել է
դեռեւս 1957 թուականի Հռոմի պայմանագրում եւ վերահաստատուել 1975
թուականի դիրեկտիվով, որն արգելում է աշխատանքի վարձատրության
ցանկացած խտրականութիւն ըստ սեռական յատկանիշի: