ՄՈՍԿՈՒԱ, 3 ՄԱՐՏԻ, ՆՈՅԵԱՆ ՏԱՊԱՆ: Ռուսաստանը, ինչպէս ողջ
աշխարհը, լուրջ տնտեսական ճգնաժամ է ապրում: Այս մասին յայտարարել
է Ռուսաստանի ֆինանսների նախարար Ալեքսեյ Կուդրինը:
ՌԴ ֆինանսների նախարարութեան ղեկավարը CNN հեռուստաալիքին
տուած բացառիկ հարցազրոյցի ժամանակ նշել է երկու հիմնական
ճակատագրական սխալներ, որոնք թոյլ է տուել ռուսական
կառավարութիւնը:
Նախ եւ առաջ, կառավարութիւնը չնվազեցրեց ռուսական
տնտեսութեան անմիջական կախուածութիւնը նաւթի արտահանումից, ինչը եւ
հանգեցրեց այսօրուայ վիճակին:
Եվ երկրորդը, ըստ Կուդրինի, կառավարութիւնը ծախսել է աւելի
շատ փող, քան կարող էր թոյլ տալ իրեն: Եվ դա իր հերթին մեծացրել է
սղաճը: