ՄԵԽԻԿՈ, 16 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Մեքսիկայի արեւելքում
ոստիկանութեան սպայի ընտանիքի վրայ անյայտ անձանց յարձակման
հետեւանքով սպանուել է 12 մարդ, այդ թւում հինգ երեխայ, հաղորդում է
«Ասոշիեյթեդ պրեսը»:
Ըստ Տաբասկո նահանգի դատախազի տեղակալ Ալեքս Ալվարեսի,
հարձակվողների նպատակը, որոնք ենթադրաբար եղել են նարկոկարտելներից
մէկի անդամներ, նահանգի ոստիկանութեան սպայ Կարլոս Ռեյեսն է եղել:
Զոհվածների թւում են ինքը` Ռեյեսը, ինչպէս նաեւ իր ընտանիքի
տասը անդամներ: Դրանից բացի, սպանուել է փողոցային մի առեւտրական,
որը գտնուել է ոստիկանի տան առջեւ:
2008 թուականին Մեքսիկայում կազմակերպուած յանցաւորութեան եւ
նարկոմաֆիայի գործողութիւնների արդիւնքում զոհուել է 5 հազար 630
մարդ: