Շուեդիան վերսկսում է ատոմային ռեակտորների աշխատանքը
06-02-2009 18:57:00 | | Միջազգային
ՍՏՈԿՀՈԼՄ, 6 ՓԵՏՐՈՒԱՐԻ, ՆՈՅԵԱՆ ՏԱՊԱՆ: 30 տարի անց այն բանից
յետոյ, երբ Շվեդիայի կառավարութիւնը վճռեց դադարեցնել երկրի
միջուկային ռեակտորների աշխատանքը, այստեղ կը վերականգնեն դրանց
շինարարութիւնը: Շուեդիան եւրոպական միակ երկիրը չէ, որը գազային
պատերազմից յետոյ որոշել է վերանայել էներգետիկական պաշարների
օգտագործումը:
Շուեդիան միացել է Եւրամիութեան այն երկրների ցանկին, որոնք
վառելիքայինի փոխարէն նախընտրել են ատոմային էներգիան, որպէսզի
նուազեցնեն CO2-ի արտանետումները շրջակայ միջավայր, գրում է
«Թայմսը»:
Եւրոպական որոշ երկրներ վերադարձել են ատոմային էներգայի
օգտագործման գաղափարին այն բանից յետոյ, երբ նուազեց այնպիսի մի
գազամատակարարի յուսալիութիւնը, ինչպիսին Ռուսաստանն է:
Լեհաստանը ծրագրում է առաջին ատոմային ռեակտորները կառուցել
մինչեւ 2020, Ֆինլանդիան` 2011 թուվականը: Մեծ Բրիտանիան անցած տարի
որոշել էր արդիականացնել ունեցած ռեակտորները, իսկ Ֆրանսիան
պատուիրել է արդէն 61-րդ միջուկային ռեակտորը: