ԱՄՀ-ն կանխատեսում է տեւական անկում ԱՄՆ-ի անշարժ գոյքի
շուկայում
06-02-2009 18:56:00 | ԱՄՆ | Միջազգային
ՎԱՇԻՆԳՏՈՆ, 6 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Անկումը ԱՄՆ-ի անշարժ
գոյքի շուկայում կարող է աւելի խորը լինել եւ աւելի երկարատեւ,
քան սպասւում էր, եւ չի կարելի բացառել, որ այն անցնի ուրիշ
երկրներ, ասւում է G20 երկրների համար Արժոյթի միջազգային
հիմնադրամի (ԱՄՀ) պատրաստած զեկոյցում: Այս մասին հաղորդում է
«Ֆրանսպրեսը»:
ԱՄՀ-ն կանխատեսում է, որ ԱՄՆ-ում եւ այլ երկրներում
գործազրկութեան աճի պայմաններում, որ հարուցել է համաշխարհային
տնտեսութեան անկումը, բնակելի տների գները 2010 թուականին
կշարունակեն նուազել:
«Հաւանական է, որ տան գների նուազման տեմպերը շարունակեն աճել
զարգացած տնտեսութիւն ունեցող միւս պետութիւններում, ինչպէս
նաեւ կընդգրկեն երկրների աւելի լայն շրջանակ»,- նշում են
Հիմնադրամի փորձագետները: