«Արմմոնոյ» 9-րդ միջազգային թատերական փառատօնը կարելի է համարել կայացած
11-04-2011 16:59:29 | Հայաստան | Մշակոյթ
«Արմմոնոյ» 9-րդ միջազգային թատերական փառատօնը կարելի է համարել կայացած: Այս մասին ապրիլի 11-ի ասուլիսում յայտարարեց փառատօնի նախագահ Մարիաննա Մխիթարեանը: «Այս տարի եղան յաջողուած, հետաքրքիր եւ ոչ այդքան յաջողուած ներկայացումներ: Փառատօնն այս տարի աչքի ընկաւ նոր մասնակիցներով Իսրայէլից եւ Եգիպտոսից»,- ասաց նա:
Ըստ Մ.Մխիթարեանի, 9-րդ փառատօնի մեխը Բիրուտէ Մարիի « Ունէ» (Լիտուայ), Գաբրիէլայ Մուսկալայի «Բուենոս Այրեսից վերադառնալիս» (Լեհաստան) եւ Իրինա Եւդոկիմովայի «Ոչ ոք» (Ռուսաստան) մոնոներկայացումներն էին:
Հայաստանեան ներկայացուցիչներից նա նշեց Նարեկ Ներսիսեանի մասնակցութեամբ «Լիւսիէն Լիւկ» եւ Ռոբերտ Յակոբեանի «Ձեզ եմ դիմում » մոնոներկայացումները: Նրանք փառատօնից յետոյ բազմաթիւ հրաւէրներ էն ստացել արտերկրից:
Նշուեց, որ եղել էն նաեւ տեխնիկական խնդիրներ, ինչի պատճառով չի իրականացուել տիտրերի խոստացուած ցուցադրութիւնը, չնայած որ թարգմանութիւնները նախապէս պատրաստ էն եղել:
Յիշեցնենք, որ այս տարի «Արմմոնոյ» մոնոներկայացումների միջազգային փառատօնի շրջանակներում հանրութեան դատին է յանձնուել 8 արտերկրեայ եւ 7 հայաստանեան ներկայացուցիչների աշխատանքներ: Փառատօնն անցել է ԱԺ նախագահ Յովիկ Աբրահամեանի բարձր հովանու ներքոյ: