ՄՈՍԿՈՒԱ, 15 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Մոսկուայի
հարաւ-արեւմուտքում անյայտ անձինք սպանել են Մոսկուայի նաւթի եւ
գազի ինստիտուտի 18-ամեայ ղազախստանցի ուսանողի, յայտնել է ՌԴ
մայրաքաղաքի իրավապահ մարմինների ներկայացուցիչը:
Ըստ նրա, կիրակի Մոսկուայի ժամանակով մօտ 21.30-ին աւտոբուսի
կանգառում քաղաքացիներին է մօտեցել վիրաւոր մի երիտասարդ, որը
խնդրել է շտապ օգնութիւն կանչել: Մինչեւ բժիշկների ժամանելը
պատանին վախճանուել է:
Սպանութեան փաստի առթիւ յարուցուել է քրէական գործ:
Հետաքննութիւնը սպանութեան մի քանի վարկած է քննում, այդ թւում`
ըստ ազգային յատկանիշի:
Նշենք, որ Մոսկուայի քաղաքային դատարանը երկուշաբթի կհրապարակի
մի խումբ սքինհեդների դատավճիռը, որոնք մեղադրւում են ազգային հողի
վրայ կատարուված 20 սպանութիւնների եւ 12 յարձակումների մէջ: