ԱՇԽԱՐՀԻ ԲՌՆՑՔԱՄԱՐՏԻ ԵՐԻՏԱՍԱՐԴԱԿԱՆ ԱՌԱՋՆՈՒԹԻՒՆՈՒՄ ՀԱՅԱՍՏԱՆԻ
7 ՄԱՍՆԱԿԻՑՆԵՐԻՑ ՊԱՅՔԱՐԸ ՇԱՐՈՒՆԱԿՈՒՄ ԵՆ 2-Ը
28-10-2008 17:10:00 | | Սպորտ
ԳՎԱԼԱՀԱՐԱ, 28 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Մեքսիկայի
Գվադալահարա քաղաքում շարունակւում է աշխարհի բռնցքամարտի
երիտասարդական առաջնութիւնը: Հոկտեմբերի 27-ին Հայաստանի
ներկայացուցիչներ Արամ Աւագեանը (54 կգ), Վլադիմիր Մարգարեանը (60
կգ), Արամ Մարտիրոսեանը (64 կգ) եւ գերծանր քաշային Յովհաննէս
Օհանյանը պարտութիւն կրեցին եւ զրկվեցին մեդալների համար յետագայ
պայքարի իրաւունքից: Յիշեցնենք, որ նախորդ օրը ձախողուել էր նաեւ
Արտաշէս Կարապետեանը (81 կգ):
Այսպիսով, Հայաստանի 7 բռնցքամարտիկներից առաջնութիւնում
ելոյթները կշարունակեն Կարեն Այլազյանը (51 կգ) եւ Տիգրան
Արմենակեանը (75 կգ):