ՀՀ ՏՆՏՄՐՑԱԿՑՈՒԹՅԱՆ ՅԱՆՁՆԱԺՈՂՈՎԸ ՈՒՍՈՒՄՆԱՍԻՐՈՒԹՅՈՒՆՆԵՐ Է
ԻՐԱԿԱՆԱՑՆԵԼՈՒ ԱՌԱՒԵԼ ԽՈՇՈՐ ՀԱՑԱՐՏԱԴՐՈՂՆԵՐԻ ՇՐՋԱՆՈՒՄ
17-10-2008 20:00:00 | Հայաստան | Տնտեսութիւն
ԵՐԵՎԱՆ, 17 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ՀՀ Տնտեսական
մրցակցութեան պաշտպանութեան պետական յանձնաժողովի հոկտեմբերի 17-ի
նիստում քննարկվեց ցորենի եւ ալիւրի շուկայում կեղծման գների
ուսումնասիրութեան արդիւնքների մասին որոշման նախագիծը:
Յանձնաժողովի կողմից Երեւանի առեւտրի մի շարք օբյեկտներում
(խանութներում) իրականացուած դիտարկումների արդիւնքում արձանագրուել
են ցորենի ալիւրի իրացման գների ոչ համամասնական փոփոխութիւններ`
համաշխարհային գների հետ համեմատած: Ըստ ուսումնասիրությունների,
այս տարուայ մայիսին 1 կգ իրացւող բարձր տեսակի ալիւրի միջին գինը
կազմել է 387 դրամ, յունիսին` 385, յուլիսին` 376 դրամ, իսկ
օգոստոսին տեղի է ունեցել ալիւրի գնաճ, որի արդիւնքում բարձր
տեսակի ալիւրի 1 կգ-ի գինը կազմել է 380-400 դրամ:
Յանձնաժողովի նիստում որոշուեց ուսումնասիրություններ սկսել
հացի շուկայում` առաւել խոշոր արտադրողների շրջանում: Բացի այդ,
Յանձնաժողովը ուսումնասիրություններ կսկսի նաեւ երկաթուղային
բեռնափոխադրումների շուկայում:
Այնուհետեւ յանձնաժողովն անդրադարձաւ բրնձի շուկայում
իրականացրած ուսումնասիրությունների արդիւնքներին: Յանձնաժողովը
բրնձի շուկայի ուսումնասիրություններն սկսել է` պայմանաւորուած
մոնիտորինգի արդիւնքներով, համաձայն որոնց, շուկայում բրնձի գները
անընդհատ աճում էին:
Ըստ ուսումնասիրութեան, բրնձի շուկայում այս տարուայ երկրորդ
կիսամեակում համեմատաբար մեծ ծաւալներով ներկրումներ են
իրականացրել «Ալեքս Գրիգ» ընկերութիւնը եւ Ֆ.Կարապետեան Ա/Ձ-ն:
Միջազգային եւ հայաստնայան շուկաներում բրնձի գների համադրումը
ցոյց է տալիս, որ Հայաստանում առեւտրի կէտերում բրինձը
ինքնարժէքից մօտ 1,7-2,5 անգամ աւելի գներով է վաճառւում: Հաշուի
առնելով շուկայում ստեղծուած պատկերը, յանձնաժողովը որոշեց վարոյթի
արդիւնքները տրամադրել ՀՀ Պետական եկամուտների կոմիտէին` հարկային
պարտաւորութիւնների պատշաճ կատարման, եւ ՀՀ գլխաւոր
դատախազութեանը` գործունէութիւնը դադարեցրած ընկերութիւնների
կողմից օրենսդրական հնարաւոր խախտումների հարցերը քննարկելու
նպատակով: