ԵՐԵՒԱՆՈՒՄ ԲԱՑՈՒԵՑ ԵԿԱՏԵՐԻՆԱ ՌՈԺԴԵՍՏՎԵՆՍԿԱՅԱՅԻ «ՄԱՍՆԱՒՈՐ
ՀԱՒԱՔԱԾՈՅ» ԽՈՐԱԳՐՈՎ ԱՆՀԱՏԱԿԱՆ ՑՈՒՑԱՀԱՆԴԷՍԸ
16-10-2008 18:55:00 | Հայաստան | Մշակոյթ
ԵՐԵՎԱՆ, 16 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի նկարիչների
միութիւնում (ՀՆԿ) հոկտեմբերի 16-ին բացուեց Եկատերինա
Ռոժդեստվենսկայայի «Մասնաւոր հաւաքածոյ» խորագրով անհատական
ցուցահանդէսը:
Ցուցադրանքում ներկայացուած են համաշխարհային կերպարուեստի
գլուխգործոցների համակարգչային վերամշակումները` Ռուսաստանի յայտնի
քաղաքական գործիչների, հեռուստահաղորդավարների, դերասանների,
լրագրողների դիմանկարները: ՀՆՄ-ի նախագահ Կարեն Աղամեանի խօսքերով,
Ե.Ռոժդեստվենսկայան փորձել է ցոյց տալ, թէ ժամանակակից
տեխնոլոգիաների միջոցով ինչպէս կարելի է, մասնաւորապէս, վերափոխել
եւ արդիականացնել վերածննդի դարաշրջանի նկարիչների գործերը:
Ե.Ռոժդեստվենսկայան աւարտել է Մոսկուայի միջազգային
յարաբերութիւնների պետական ինստիտուտը: Նա բազմաթիւ
թարգմանությունների հեղինակ է: Այնուհետեւ նա տարուել է
լուսանկարչութեամբ եւ 1999թ.-ից սկսած իր աշխատանքները հրապարակել
«Պատմութեան քարավան» ամսագրում: Նրա աշխատանքները ներկայացուել են
աշխարհի տարբեր երկրներում:
Ցուցահանդէսի բացմանը ներկայ էին ՀՀ առաջին տիկին Ռիտա
Սարգսեանը եւ ՀՀ մշակոյթի նախարար Յասմիկ Պողոսեանը: